ۇلتتىق قاۋىپسىزدىك كوميتەتى سيريادا دايش (قازاقستاندا تىيىم سالىنعان ۇيىم) قۇرامىندا بولعان قازاقستان ازاماتىن ۇستادى، - دەپ حابارلايدى ۇلتتىق قاۋىپسىزدىك كوميتەتىنىڭ باسپا ءسوز قىزمەتى.
ۇلتتىق قاۋىپسىزدىك كوميتەتى ۇلىتاۋ ءوڭىرى تۇرعىندارىنىڭ بىرىنە قاتىستى تەرروريزمدى ناسيحاتتاپ، ءدىني الاۋىزدىقتى قوزدىرۋ مەن لاڭكەستىك توپتىڭ ارەكەتىنە قاتىسۋ دەرەگى بويىنشا قىلمىستىق ءىستى تەرگەۋدى اياقتادى.
"ۇلىتاۋ وبلىسى ساتبايەۆ اۋداندىق سوتى ونى وسى قىلمىستاردى جاساعانى ءۇشىن كىنالى دەپ تانىپ، 6 جىلعا باس بوستاندىعىنان ايىردى. سوتتالۋشى 2016 جىلى وتباسىمەن بىرگە سيرياعا بارىپ، وندا دايش (قازاقستاندا تىيىم سالىنعان) قۇرامىندا بولعانىن تەرگەۋ انىقتادى. قابىلدانعان شارالاردىڭ ناتيجەسىندە سودىردىڭ شەتەلدە جۇرگەن جەرى انىقتالىپ، سودان سوڭ شەتەلدىك سەرىكتەستەردىڭ كومەگىمەن ونى ۇستاۋعا جانە 2023 جىلدىڭ ماۋسىم ايىندا ۇقك جاساعىمەن قازاقستانعا جەتكىزىلۋىنە مۇمكىندىك تۋدى"، - دەلىنگەن حابارلامادا.
پىكىر قالدىرۋ