پاۆلودار وبلىسى پد ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى “ەرتىس ورمانى” ەرەكشە قورعالاتىن اۋماعىنان ورماندى زاڭسىز كەسۋ جانە ۇرلاۋ فاكتىلەرىن انىقتاۋ بويىنشا جەدەل-ىزدەستىرۋ ءىس-شارالارىنىڭ كەشەنىن وتكىزدى.
«پوليسيا قىزمەتكەرلەرى “ەرتىس ورمانى” رمم-دە، شالداي جانە بەسقاراعاي ورمانشىلىعىندا، سونداي-اق ءبىرقاتار باسشىلاردىڭ تۇرعىلىقتى جەرى بويىنشا 20-عا جۋىق سانكسيالانعان ءتىنتۋ ءىس-شارالارىن جۇرگىزدى. ءتىنتۋ كەزىندە قۇجاتتامادان باسقا اتىس قارۋى، وق-دارىلەر جانە وزگە دە زاتتاي دالەلدەمەلەر تاركىلەندى. قازىرگى ۋاقىتتا قك-نىڭ 188-بابى 2-بولىگى بويىنشا سوتقا دەيىنگى تەرگەۋ باستالدى» – دەلىنگەن حابارلامادا.
بولجامدى مالىمەتتەر بويىنشا ورماندى زاڭسىز كەسۋگە “ەرتىس ورمانى” ءرمم-نىڭ لاۋازىمدى تۇلعالارى قاتىستى بولۋى مۇمكىن. ق ر قىلمىستىق پروسەسسۋالدىق كودەكستىڭ 201-بابى نەگىزىندە وزگە اقپارات جاريا ەتىلمەدى.
پىكىر قالدىرۋ