"قوسىمشا ۆيدەوكامەرالار ءبىرىڭعاي مونيتورينگ ورتالىعىمەن ينتەگراسيالانادى. ماقساتى – قوعامدىق ءتارتىپتى ساقتاۋ، ءورت جانە توتەنشە جاعدايلاردىڭ الدىن الۋ"،- دەدى جۋرايەۆ.
ول جەكە ادامدار تارابىنان عيماراتتار مەن ۇيلەردىڭ كىرە بەرىستەرىنە ورناتىلعان ۆيدەوكامەرالاردىڭ مالىمەتتەرىن ىشكى ىستەر ورگاندارىنىڭ ايماقتارداعى بولىمشەلەرىنە جىبەرىپ تۇرۋعا باعىتتالعان ە-Hamkor باعدارلاماسى ىسكە اسىرىلىپ جاتقانىن اتاپ ءوتتى.
"شاعىن اۋداندارداعى جەكەمەنشىككە جانە قوعامدىق تارتىپكە قارسى قىلمىستاردى جاساۋ ىقتيمالدىلىعى جوعارى نىساندارعا تۇراقتى بايقاۋ جۇرگىزىلەدى"، - دەدى جۋرايەۆ.
ىشكى ىستەر مينيسترلىگى 2 ماۋسىمنان باستاپ قىرعىزستان ايماعىندا تمد-عا مۇشە ەلدەر اراسىندا ىزدەۋ سالىنعان ادامداردى ۆيدەو باقىلاۋ ارقىلى تانىپ، انىقتاۋ جۇيەسى ىستەي باستاعانىن مالىمدەدى.
بىلتىر قىرعىز بيلىگى "ءقاۋىپسىز قالا" باعدارلاماسى اياسىندا قوعامدىق جەرلەردە جالپى 2177 ۆيدەوكامەرا ورناتىلعانىن، ولاردىڭ اراسىنان ادامدى تۇرىنەن انىقتاي الاتىن 519 كامەرانى ءىىم-نىڭ باسقارۋ ورتالىعىندا تۇراقتى باقىلاپ وتىراتىنىن مالىمدەگەن.
پىكىر قالدىرۋ