«قازاقستان حالىق پارتياسى» كوپبالالى وتباسىلاردى مەملەكەتتىك قولداۋعا قاتىستى ماڭىزدى ماسەلە كوتەرىپتى.

قازاقستاندا بولىپ جاتاتىن قايعىلى جاعدايلاردىڭ كوبى جوقشىلىقتىڭ كەسىرىنەن. قازاقستانداعى اكەلەر مەن شەشەلەر بىرنەشە جۇمىس ىستەپ، بالالارىن ۇيدە قاراۋسىز قالدىرۋعا ءماجبۇر.

– ءبىز ەڭ الدىمەن بالالاردىڭ قاۋىپسىزدىگىن، دەنساۋلىعىن، تاربيەسىن ءبىرىنشى ورىنعا قويىپ، رەسەي مەن بەلارۋستىڭ تاجىريبەسىنە نازار اۋدارۋىمىز كەرەك. رەسەيدە 2007 جىلدان باستاپ ەنگىزىلگەن «انالىق كاپيتال» باعدارلاماسىنا سايكەس، بالا تۋعاندا وتباسى ءبىزدىڭ اقشاعا اۋدارعاندا 3 ملن تەڭگە كومەك الادى. بەلورۋسسيادا 2015 جىلدان باستاپ ءۇشىنشى جانە ودان كەيىنگى بالاسىن تۋعان وتباسى 10 مىڭ دوللار، ياعني 4 ملن 650 مىڭ تەڭگە الادى.

قازاقستاندا مۇنداي جۇيەنى ەنگىزۋ ءالى قاراستىرىلماعان.

قازاقستان حالىق پارتياسى فراكسياسىنىڭ دەپۋتاتتارى وتباسىندا ءتورتىنشى بالا تۋعاندا نەمەسە وتباسىدا ەرەكشە بالا بولسا 5000 دوللار، ياعني 2 ملن 300 مىڭ تەڭگە مولشەرىندە «وتباسىلىق كاپيتال» باعدارلاماسىن ىسكە قوسۋدى ۇسىنادى، دەدى دەپۋتات گاۋحار تاناشيەۆا.