الماتى قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتى ق ر اقبتك 456-2 بابىنىڭ 3 بولىگى، «كورىنەۋ جالعان اقپارات تاراتۋ» بويىنشا ازامات مەدەلحانۇلىنا قاتىستى اكىمشىلىك ءىستى قارادى، دەپ حابارلايدى zakon.kz.

سوتتىڭ مالىمەتىنشە، 2023 جىلى 8 قاراشادا م-نىڭ «Facebook» -تە بەينەحابارلاما جاريالاعانى بەلگىلى. اتالعان جازبادا م. 2023 جىلى 21 قازاندا كورشىسىنىڭ وزىنە شابۋىل جاساعانىن، ال بۇل رەتتە پوليسيا قىزمەتكەرلەرى ارەكەتسىزدىك تانىتقانىن مالىمدەيدى.

سونداي-اق پوليسيا ورگاندارى ونىڭ ءوتىنىشىن قابىلداماعان جانە قانداي دا ءبىر سيپاتتا ارەكەت ەتۋگە تىرىسپاعانى دا ايتىلادى.

"سوت م. تاراپىنان پوليسياعا قانداي دا ءبىر ءوتىنىش جانە مالىمدەمە جاساماعانىن انىقتادى. سونىمەن قاتار، م. ۋچاسكەلىك پوليسيا قىزمەتكەرىمەن اڭگىمە بارىسىندا شاعىمداردان باس تارتىپ، جانجالدىڭ بەيبىت جولمەن شەشىلگەنىن ايتقان. وسىلايشا، م. جەلىدە جالعان اقپارات جاريالاعان. م. ءوز كىناسىن مويىندامادى. سوت قاۋلىسىمەن م. اقبتك-نىڭ 456-2 بابىنىڭ 3 بولىگى بويىنشا اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانىلىپ، وعان 69 000 تەڭگە مولشەرىندە بالاماسىز اكىمشىلىك ايىپپۇل سالىندى"، - دەلىنگەن سوت حابارلاماسىندا.

سوت قاۋلىسى زاڭدى كۇشىنە ەنگەن جوق.