جوبا اۆتورلارى قايىرىمدىلىق قورىمەن كەلىسسوزدەر جۇرگىزىپ، ەندى رەسمي تۇردە كونسەرتتەن تۇسكەن قارجىنىڭ بەلگىلى ءبىر بولىگىن “اسارۋمە” قايىرىمدىلىق قورى ارقىلى جاعدايى تومەن وتباسىعا بەرمەك.

– ساحنانىڭ ءىشى-سىرتىن قوسقاندا 50 دەن استام ونەرپازدىڭ بىرنەشە ايلار بويى ەڭبەك تەرى سىڭگەن QAZAQSHA تەراپيامىزدى ءار قازاق بالاسى كورسە، ناعىز قازاقى اتموسفەرانى سەزىنسە ەكەن دەيمىز. ويتكەنى قازاقتىڭ تاريحى، ءداستۇرى قازاقتان باسقا ەشكىمگە كەرەك ەمەس.
بۇل كەشتەن ۇلتقا، ۇلتتىق اسپاپتارىمىزعا، داستۇرىمىزگە دەگەن ماحابباتىڭىز ەسەلەپ ارتىپ، رۋحىڭىز كوتەرىلىپ شىعاتىنىڭىزعا مەن كەپىلمىن! – دەيدى ءا.ەسجان.

اسەت ەسجان ءقازاقتىلدى اۋديتورياعا ارنالعان اندەر تەك مەيرامحانادا قويۋعا جارايدى دەگەن FM Business راديوسى باسشىسىنىڭ ءسوزىن سىنادى.  

– تالعامى بيىك ادامداردىڭ امباسسادورى، ءسىزدى 3 جەلتوقساندا وتەتىن “QAZAQSHA تەراپيا" كونسەرتىنە شاقىرامىن! الدىنعى قاتاردان وزىڭىزگە ارنايى ورىن بەرەيىن! وسى كونسەرتتىك كەشتى كورگەن سوڭ، قازاق اۋەندەرىندە ساپا بار ما، جوق پا، سونى تىكەلەي وتىرىپ سويلەسەمىز، – دەپ رۋستام ماقسۇتوۆقا شاقىرتۋ جولدادى كەش ۇيىمداستىرۋشىسى. وسىعان وراي ونەر سۇيەر قاۋىم قازاق مۋزىكاسىمەن سۋسىنداپ قايتۋى ءۇشىن بيلەتتەرگە 50% جەڭىلدىك جاسايتىنىن مالىمدەدى. 

ءداستۇرلى مۋزىكانى زاماناۋي باعىتتا ايشىقتايتىن تەاترلاندىرىلعان ءان كەشى الاتاۋ ءداستۇرلى ونەر تەاترىندا وتەدى. بيلەتتەردى kino.kz سايتىنان ساتىپ الا الاسىزدار!