استانا قالاسىنىڭ قىلمىستىق ىستەر جونىندەگى اۋدانارالىق سوتى بەلسەندى مارات جىلانبايەۆقا ۇكىم شىعاردى.
جىلانبايەۆ تىيىم سالعان ەكسترەميستىك ۇيىمدى قارجىلاندىرعانى جانە ونىڭ قىزمەتىنە قاتىسقانى ءۇشىن ايىپتالعان بولاتىن.
سوت ۇكىمىمەن مارات جىلانبايەۆ ق ر قك-نىڭ 258-بابى 2-بولىگى جانە 405-بابىنىڭ 2-بولىگى بويىنشا قىلمىس جاساعانى ءۇشىن كىنالى دەپ تانىلىپ، 7 جىلعا باس بوستاندىعىنان ايىرىلدى.
سونىمەن قاتار، ول قوعامدىق-ساياسي قىزمەتپەن، ونىڭ ىشىندە بۇقارالىق اقپارات قۇرالدارى مەن تەلەكوممۋنيكاسيا جەلىلەرىن پايدالانۋ قۇقىعىنان 3 جىل مەرزىمگە ايىرىلدى.
ۇكىم زاڭدى كۇشىنە ەنگەن جوق.
مارات جىلانبايەۆ – الىس قاشىقتىققا جۇگىرەتىن سپورتشى، حالىقارالىق دارەجەدەگى سپورت شەبەرى.
90-شى جىلدارى "گيننەستىڭ رەكوردتار كىتابىنا" جەتى رەت ەسىمى جازىلعان.
مارات جىلانبايەۆ ەۋروپانىڭ ەڭ بيىك شىڭى ەلبرۋسقا (5642 مەتر) مارافوندىق جۇگىرىسپەن جەتى كۇندە جۇگىرىپ شىققان.
1992 جىلى 20 كۇندە قاراقۇم ءشولىن (1000 شاقىرىم)، 1993 جىلى جيىرما ءتورت كۇندە قارا قۇرلىقتاعى ساحارا ءشولىن (1700 شاقىرىم) جۇگىرىپ وتكەن.
1500 شاقىرىمدىق ۇلكەن ۆيكتوريا ءشولىن دە باعىندىردى. 1994 جىلى ون بەس كۇننىڭ ىشىندە موحاۆا ءشولىن (1218 شاقىرىم) كەسىپ وتكەن.
پىكىر قالدىرۋ