الماتى قالالىق توتەنشە جاعدايلار دەپارتامەنتىنىڭ مالىمەتىنشە، 30 قاراشا كۇنى ساعات 05:33-تە ءادي ءشارىپوۆ كوشەسىندەگى ءورت تۋرالى حابارلاما ءتۇستى. ءبىرىنشى ءورت ءسوندىرۋ ءبولىمى شاقىرتۋ ورنىنا 7 مينۋت ىشىندە كەلدى.

 "كەلگەن بويدا 1 قاباتى جانە جەرتولەسى جاتاقحاناعا اينالعان 3 قاباتتى تۇرعىن ءۇيدىڭ جانىپ جاتقانى انىقتالدى. الدىن الا اقپارات بويىنشا ءورتتىڭ جالپى اۋدانى – 30 شارشى مەتر. قابىلدانعان شارالارمەن ءورت 06:22-دە جويىلدى"، – دەلىنگەن دەپارتامەنت حابارلاماسىندا.

 الدىن الا اقپاراتقا سايكەس ءورتتى بارلاۋ جانە ءسوندىرۋ بارىسىندا 13 ادامنىڭ دەنەسى تابىلدى. ءقازىر ولاردىڭ كىم ەكەنى انىقتالىپ جاتىر. ولار كومىرتەگى توتىعىنان ۋلانىپ قايتىس بولعان.

سونداي-اق، 2 ادام قالالىق جەدەل شۇعىل كومەك كورسەتۋ اۋرۋحاناسىنا جەتكىزىلدى. ناۋقاستاردىڭ بىرىنە كومىرقىشقىل گازىنا ۋلانۋ دياگنوزى قويىلدى.

 "ونىڭ جاعدايى ورتاشا اۋىر، تۇراقتى. ەكىنشى ناۋقاس بارلىق تەكسەرۋدەن كەيىن امبۋلاتورلىق ەمدەلۋگە جىبەرىلدى"، – دەلىنگەن ۆەدومستۆو حابارلاماسىندا.