تەلەحيكايا ءتۇسىرىلىمى الماتى وبلىسى مەن وزبەكستان رەسپۋبليكاسىنداعى حيۋا، فەرعانا، بۇقارا قالالارىندا ءوتتى. تۋىندىنى قازاق، وزبەك، قىرعىز كينوگەرلەرى بىرىگىپ، تۇسىرگەن.

سەريالدا قورقىتتىڭ بالا كەزى، بوزبالا شاعى،ەرەسەك كەزى مەن قارت بولعانىنا دەيىنگى ءومىر جولى كورسەتىلەدى. ءتۇرلى تىلسىم وقيعا قامتىلعان سەريالدى تۇسىرۋگە شامامەن 2 جارىم جىلداي ۋاقىت كەتكەن.

تەلەحيكايا سيۋجەتىندە قورقىتتىڭ دۇنيەگە كەلۋى، بالالىق شاعى، جەتكىنشەك كەزىنەن ساۋەگەي، ابىز رەتىندە قالىپتاسۋ جولى كورسەتىلەدى. تەلەحيكايا سەنارييى الەمدىك دەڭگەيدە زەرتتەلگەن «قورقىت اتا» كىتابىنا جانە حالىق اراسىنداعى اڭىزدارعا نەگىزدەلگەن.

جوبانىڭ تاريحي كەڭەسشىسى – ەتنوگراف بەرىك ءجۇسىپ. رەداكتورى – بولات جەتەكباي. پروديۋسەرى – شولپان باتىربايەۆا. قورقىتتىڭ ءار كەزەڭدەگى رولدەرىن ءدىنيسلام نۇرماعامبەت، ءادىل احمەتوۆ جانە ايدوس بەكتەمىر سومدايدى. سونىمەن قوسا، نەگىزگى تاريحي رولدەردى ەركەبۇلان دايىروۆ، زارينا كارمەن، مەدعات ءومىرالى وينايدى. سەريالدا قىرعىزدىڭ اتاقتى ماناسشىسى رىسباي يساقوۆ پەن تانىمال اكتەر اسكات سۋلايمانوۆتىڭ رولدەرى بار.

 ەسكە سالا كەتەيىك، رەجيسسەر قاناعات مۇستافين باستاعان شىعارماشىلىق توپ 4 بولىمنەن تۇراتىن تاريحي تەلەحيكايانىڭ ءتۇسىرىلىم جۇمىستارىن وتكەن جىلدىڭ قىركۇيەك ايىندا باستاعان. وزبەكستاننىڭ حيۋا قالاسىنداعى تاريحي كادرلار قاڭتار ايىندا ءتۇسىرىلدى.

تاريحي فيلم 16، 17 جەلتوقسان كۇندەرى ساعات 14:40-تا Qazaqstan ۇلتتىق ارناسىنىڭ ەفيرىنەن كورسەتىلەدى.