بۇل شارا اياسىندا ءاتى-جونى قازاقى داستۇرمەن جازىلعان سابيلەردىڭ اتتارى اتالىپ، اتا-انالارىنا سىيلىق تابىستالدى.
ق ر پرەزيدەنتىنىڭ "ۇلتى قازاق ازاماتتارىنىڭ تەگى مەن اكەسىنىڭ اتىن جازۋعا بايلانىستى ماسەلەلەردى شەشۋ ءتارتىبى تۋرالى" جارلىعى بار.
وندا قازاقستان ازاماتتارىنىڭ تەگى مەن اكەسىنىڭ اتىن قازاقشا جازۋ تاجىريبەسىن قازاق حالقىنىڭ قالىپتاسقان تاريحي داستۇرىنە اينالدىرۋ قاجەتتىگى ايتىلعان.
– بۇگىندە بۇل ۇلكەن تەندەنسيا، ۇلتى قازاق ازاماتتار ەشقانداي -وۆ، -ەۆ جالعاۋىنسىز بىردەن مەملەكەتتىك، ۇلتتىق داستۇرگە سايكەس، بالاسىنا ءاتى-جونىن بەرىپ جاتادى. 2023 جىلعى دۇنيەگە كەلگەن 5504 سابيگە داستۇرگە ساي اتا تەگى بەرىلگەن. سونىڭ ىشىندە 50-گە جۋىق ءسابيدى بۇگىن، مىنە وسى مەرەكەنىڭ الدىندا قۇتتىقتاۋ ماقساتىندا جيناپ وتىرمىز، دەدى سەمەي قالاسىنىڭ مادەنيەت جانە تىلدەردى دامىتۋ ءبولىمىنىڭ باسشىسى مارجان باحاتوۆا.
مۇنداي اكسيا جىل سايىن ەلىمىزدىڭ بارلىق وبلىستارى مەن قالالارىندا تۇراقتى تۇردە ءوتىپ كەلەدى. بىلتىر سەمەيدە وسى شارا اياسىندا 16 جاسقا تولعان ازاماتتار ماراپاتتالسا، بۇگىن سابيلەرگە كوڭىل ءبولىندى.
پىكىر قالدىرۋ