اباي وبلىسىنىڭ اكىمى نۇرلان ۇرانحايەۆ دارىندى بالالارمەن كەزدەسۋ وتكىزدى. جيىنعا 50-دەن استام تالانتتى بالالار قاتىسىپ، ءارقايسىسىنا 100 مىڭ تەڭگەگە سەرتيفيكاتتار تابىستالدى.

بيىل وبلىس ۇستازدارىنىڭ جۇيەلى جۇمىسىنىڭ ارقاسىندا ءوڭىر وقۋشىلارى حالىقارالىق، رەسپۋبليكالىق زياتكەرلىك وليمپيادالار مەن شىعارماشىلىق بايقاۋلاردىڭ، سپورتتىق سايىستاردىڭ جەڭىمپازى اتاندى.

«ءوڭىردىڭ دامۋ ستراتەگياسى اياسىندا عىلىمدى، IT سەكتورىن، ءبىلىم مەن مادەنيەتتى نىعايتۋعا باعىتتالعان ەلەۋلى جۇمىستار اتقارىلىپ جاتىر. ءبىز سىزدەرگە قولداۋ كورسەتۋگە دايىنبىز، سوندىقتان بولاشاقتا سەندەرگە ارناپ وقۋشىلار سارايىن، كونگرەسس-حولل، مۇز سارايى، زاماناۋي مەكتەپتەر سالىنادى. بىلتىر، وسىنداي كەزدەسۋ بارىسىندا، مەن وزدەرىڭدەي دارىندى بالالارعا، ارنايى سىياقى تاعايىنداۋ تۋرالى تاپسىرما بەردىم. بالالاردى ىنتالاندىرۋ ءۇشىن بۇل جۇمىستار جالعاسىن تابادى. مۇنداي باستامالار ءاربىر بالانىڭ الەۋەتىن اشۋعا سەپتىگىن تيگىزەتىنىنە سەنىمدىمىز»، – دەدى نۇرلان ۇرانحايەۆ.

ءىس-شارا دوڭگەلەك ۇستەل فورماتىندا ءوتىپ، جاستار ەركىن پىكىر الماسۋعا مۇمكىندىك الدى. بالالار ايماق باسشىسىنا ءوز ويلارىن، ۇسىنىستارىن جەتكىزىپ، ءوز ونەرلەرىن كورسەتتى. ولاردىڭ قاتارىندا رەسپۋبليكالىق مانەرلەپ وقۋ سايىسىنىڭ قاتىسۋشىلارى، حالىقارالىق وليمپيادالاردىڭ، شىعارماشىلىق جانە روبوتوتەحنيكا بايقاۋلارىنىڭ جەڭىمپازدارى بار.

ماسەلەن، XI حالىقارالىق «Smart Sarbaz» روبوتوتەحنيكا بايقاۋىنىڭ جەڭىمپازى ولجاس سامارحان اباي وبلىسىندا ءىت سالاسىنىڭ قارقىندى دامىپ كەلە جاتقانىن ەرەكشە اتاپ ءوتتى. ول سيفرلىق جوبالاردى جۇزەگە اسىرۋ ءۇشىن ارنايى الاڭدار عانا ەمەس، جاس دارىنداردىڭ ءوز ونەرلەرىن كورسەتەتىن ورتالىق قۇرۋ تۋرالى باستاما كوتەردى.

«ءبىزدىڭ وبلىسىمىز جاس بولسا دا ءىت سالاسىندا حالىقارالىق، ءتىپتى الەمدىك تۋرنيرلەردە ايتارلىقتاي جەتىستىكتەرگە جەتىپ ءجۇر. اسىرەسە، كوپتەگەن مەكتەپ وقۋشىلارىنىڭ وسى سالاعا دەگەن قىزىعۋشىلىعىن ەسكەرسەك، ورتالىقتىڭ قۇرىلۋى بىزگە ايتارلىقتاي كومەك بولماق. بولاشاقتا وبلىسىمىز ەلىمىزدىڭ «سيليكون القابىنا» اينالاتىنىنا سەنىمدىمىن»، - دەدى ولجاس سامارحان.

انىقتاما ءۇشىن: 2023 جىلى وبلىس وقۋشىلارى زياتكەرلىك سايىستا 78 مەدال جەڭىپ الدى. ونىڭ 12ء-سى التىن، 21ء-ى كۇمىس، 45ء-ى قولا. حالىقارالىق دەڭگەيدەگى جەڭىمپازدار – 20 وقۋشى، رەسپۋبليكالىق دەڭگەيدە – 58 وقۋشى.