ق ر باسەكەلەستىكتى قورعاۋ جانە دامىتۋ اگەنتتىگى ابونەنتتەردىڭ باعانى كوتەرۋ تۋرالى وتىنىشتەرىن قاراۋ اياسىندا اعىمداعى جىلى تاريفتىك جوسپارلاردىڭ شارتتارى مەن ۇيالى بايلانىس قىزمەتتەرىنە باعانىڭ وزگەرۋ ديناميكاسىن تالدادى. 2023 جىلى ۇيالى بايلانىس وپەراتورلارىنىڭ تاريفتىك جوسپارلارى بويىنشا باعانىڭ 7،7% - دان 57،3% - عا دەيىن ايتارلىقتاي ءوسۋى تىركەلگەنى انىقتالدى.
وسىلايشا، 2023 جىلدىڭ مامىر-شىلدە ايلارى ارالىعىندا عانا ۇيالى بايلانىس وپەراتورلارى وزدەرىنىڭ رەسمي سايتتارىندا اقپاراتتى جاريالاپ، اي سايىنعى ابونەنتتىك تولەممەن 30-دان استام تاريفتىك جوسپاردا كورسەتىلەتىن قىزمەتتەردىڭ قۇنىن بىرىنەن سوڭ ءبىرى كوتەرگەن.
وسىعان بايلانىستى، كاسىپكەرلىك كودەكستىڭ 199-بابىنىڭ 3-تارماعىن ەسكەرە وتىرىپ، ءبىر كۇنتىزبەلىك جىلدا باسەكەلەستىككە قارسى كەلىسىلگەن ىس-ارەكەتتەردىڭ بەلگىلەرىن قايتا انىقتالۋىنا بايلانىستى اگەنتتىك كاسىپكەرلىك كودەكستىڭ 170-بابى بويىنشا قازىرگى ۋاقىتتا «كسەلل» اق، «مت–س» ج ش س (Tele2/Altel) جانە «كار-تەل» ج ش س (Beeline) ۇيالى وپەراتورلارىنا قاتىستى تەرگەپ-تەكسەرۋدى باستادى.
بۇدان باسقا، بۇعان دەيىن اگەنتتىك ۇيالى بايلانىس وپەراتورلارىنىڭ ءبىر مينۋتتىق سويلەسۋلەردەگى قوڭىراۋلاردىڭ قۇنىن جانە تاريفتىك جوسپارلارداعى ءبىر SMSء-تى بەلگىلەۋ جونىندەگى ارەكەتتەرىندە (كورسەتىلگەن قىزمەتتەردىڭ ءبىر بىرلىككە تاريفتەلۋى كوزدەلگەن) باسەكەلەستىككە قارسى كەلىسىلگەن ءىس-قيمىلداردىڭ بەلگىلەرىن (كاسىپكەرلىك كودەكستىڭ 170-بابى) انىقتاعان بولاتىن. وسىعان بايلانىستى ۇيالى بايلانىس وپەراتورلارىنا باعانى نەگىزدى تومەندەتۋ جولىمەن انىقتالعان بەلگىلەردىڭ توقتاتىلعانى تۋرالى حابارلاما جىبەرىلدى.
ۇيالى وپەراتورلار حابارلامانى بەلگىلەنگەن مەرزىمدە ورىنداماعان جاعدايدا، اگەنتتىك تەرگەپ-تەكسەرۋ جۇرگىزۋ تۋرالى دا شەشىم شىعارادى.
پىكىر قالدىرۋ