جاپونيانىڭ يسيكاۆا پرەفەكتۋراسىندا بولعان جەر سىلكىنىسىنەن 62 ادام قايتىس بولعان، دەپ حابارلايدى Qamshy.kz اقپارات اگەنتتىگى.
"نوتو تۇبەگىندەگى جەر سىلكىنىسى سالدارىنان قايتىس بولعاندار سانى 62-گە جەتتى. قازا تاپقانداردىڭ كوبى ۆادجيما مەن سۋزۋ قالالارىندا تىركەلدى"، - دەلىنگەن حابارلامادا.
سونداي-اق ءۇيىندى استىندا دا زارداپ شەككەندەر بولۋى مۇمكىن. ۇساق دۇمپۋلەر بولىپ جاتسا دا قۇتقارۋ جۇمىستارى جالعاسىپ جاتىر. جالپى ءزىلزالادان جۇزدەن استام ادام زارداپ شەكتى.
جاپونيانىڭ باتىسىندا جاڭا جىلدىڭ ءبىرىنشى كۇنىندە ءبىرقاتار كۇشتى جەر سىلكىنىستەرى بولدى، ەڭ كۇشتى ماگنيتۋدا 7،6-عا جەتتى. ولارعا "نوتو تۇبەگىندەگى جەر سىلكىنىسى" دەگەن اتاۋ بەرىلدى. جەر ءدۇمپۋى وساكا، كيوتو جانە توكيودا دا قاتتى سەزىلدى.
جاپونيانىڭ نەگىزگى مەتەورولوگيالىق اگەنتتىگىنىڭ مالىمەتىنشە، بۇل جولعى ءزىلزالا 1885 جىلدان بەرى بۇل ايماقتاعى ەڭ كۇشتى جەر ءدۇمپۋى بولدى
پىكىر قالدىرۋ