2023 جىلدىڭ سوڭىنان بەرى رەسەيدە جۇمىرتقا تاپشىلىعى سەزىلە باستاعان بولاتىن. بيىل رەسەيدەگى ساۋدا ورتالىقتارى مەن دۇكەن سورەلەرىنەن جۇمىرتقا تابۋ تىم قيىن بولدى. جۇمىرتقانىڭ جەتپەي جاتقانىن رەسەي پرەزيدەنتى ءپۋتيننىڭ ءوزى اڭگىمە قىلعان سوڭ نە دەيمىز؟
ەسكە سالا كەتسەك، بىلتىر كۇزدە ءبىزدىڭ ساراپشىلار رەسەي قازاقستاننىڭ قۇس ەتى مەن جۇمىرتقاسىن تۇك قالدىرماي، ءتۇپ كوتەرىپ كەتۋى مۇمكىن دەپ الاڭداعان بولاتىن. سونىڭ ارتىنشا قازاقستاندا جۇمىرتقا باعاسى ەداۋىر كوتەرىلىپ كەتكەن ەدى.
رەسەيدەگى جۇمىرتقا تاپشىلىعى تاعى دا قازاقستاننىڭ جاعدايىنا اسەر ەتكەلى وتىر.
سەبەبى، رەسەي كورشىلەرىنەن كومەك سۇرۋدى باستاپ كەتتى. ازەربايجان مەن تۇركيادان جۇمىرتقا الۋدى بىرنەشە ەسە ارتتىرۋعا كەلىسكەن. پۋتين بەلارۋس باسشىسىنا ءوتىنىش جاساپ، مينسكتەن دە جۇمىرتقا الماق. سونداي-اق جۇمىرتقا داعدارىسىن شەشۋ ءۇشىن قازاقستانعا دا ءوتىنىش جاساپ وتىر.
بۇل قازاقستاندا جۇمىرتقانىڭ قىمباتتاۋىنا الىپ كەلەرى ءسوزسىز.
كورشى ەلدەگى ماسەلەگە قاتىستى قازاقستاننىڭ پرەمەر-مينيسترىنىڭ ورىنباسارى سەرىك جۇمانعارين رەسەيلىك تاراپتىڭ ساۋدا ورىندارىنا جەتكىزەتىن جۇمىرتقا سانىن ارتتىرۋدى سۇراپ جاتقانىن ايتادى.
رەسەيلىك تاراپ جۇمىرتقانى كوبىرەك بەرىڭىزدەرشى دەپ قازاقستانعا قولقا سالىپ، ساۋدا سەرىك جۇمانعارين اۋىل شارۋاشىلىعى مينيسترلىگىنە تەز ارادا قازاقستاندىق جۇمىرتقانى رف شەكارالاس ايماقتارىنا جەتكىزۋدى ارتتىرۋ مۇمكىندىگىن ىزدەۋدى تاپسىردى.
رەسەي قازاقستان تۇگىلى، سولتۇستىك كورەيادان دا جۇمىرتقا سۇراعان كورىنەدى.
ساراپشىلار جۇمىرتقا تاپشىلىعىن رەسەيدەگى الەۋمەتتىك جاعدايدىڭ قيىنداي تۇسكەنىنىڭ كورسەتكىشى دەپ وتىر.
