«2024 جىلدىڭ جازىندا نومينالى 10 000 تەڭگەلىك بانكنوت شىعارۋ جوسپارلانعان. جالپى وسى سەريا اياسىندا 2025 جىلدىڭ اياعىنا دەيىن بانكنوتتاردىڭ بارلىق نومينالىن اينالىمعا كەزەڭ-كەزەڭىمەن شىعارۋ جوسپارلانعان. 500 تەڭگەدەن باستالىپ، نومينالى 20 000 تەڭگەلىك بانكنوتپەن اياقتالاتىن جاڭا سەريا»، - دەپ حابارلايدى ۇلتتىق بانك.
جاڭا ديزاينداعى بانكنوتتار اينالىمعا شىققاننان كەيىن بۇرىنعى ديزاينداعى بانكنوتتار اينالىمنان كەزەڭ-كەزەڭىمەن شىعارىلادى.
«ۇلتتىق بانك ەسكى جانە جاڭا ۇلگىدەگى بانكنوتتاردىڭ پاراللەل اينالىس مەرزىمىن 1 جىلعا بەلگىلەيدى. قاجەت بولعان جاعدايدا بۇل مەرزىم ۇزارتىلۋى مۇمكىن. پاراللەل اينالىس كەزەڭىندە ەسكى جانە جاڭا بانكنوتتار زاڭدى تولەم قۇرالى بولىپ تابىلادى جانە تولەمدەر مەن اۋدارىمداردىڭ بارلىق تۇرىنە قابىلدانادى. ولاردى ۇلتتىق بانكتىڭ بارلىق فيليالىندا، قازپوشتادا جانە ەكىنشى دەڭگەيلى بانكتەردە شەكتەۋسىز ايىرباستاۋعا بولادى»، دەلىنگەن حابارلامادا.
پىكىر قالدىرۋ