بۇگىن ق ر باس پروكۋراتۋراسىنىڭ جانە ءىىم-نىڭ ينتەرپول قىزمەتكەرلەرى سىرتقى ىستەر مينيسترلىگىنىڭ كومەگىمەن قىلمىستىق جاۋاپكەرشىلىككە تارتۋ ءۇشىن يسپانيا كورولدىگىنەن قارجى پيراميداسىنىڭ قىزمەتىنە بايلانىستى ترانسۇلتتىق ۇيىمداسقان توپقا قاتىسقانى ءۇشىن كۇدىكتىنى ەكستراديسيالادى.
ول 2016-2017 جىلدار ارالىعىندا زاڭسىز ماتەريالدىق پايدا كورۋ ماقساتىندا باسقا ەلدەردەگى ادامدار توبىمەن «Questra Holding» كومپانياسىن قۇردى دەگەن كۇدىككە ىلىنگەن.
قىلمىسكەرلەر قارجى پيراميداسىن ءار ءتۇرلى ەلدەردىڭ اۋماعىندا كەدەرگىسىز تاراتۋ ماقساتىندا ينتەرنەت جەلىلەردە سالىمشىلاردى كوبىرەك تارتۋ ءۇشىن كومپانيانىڭ ويدان شىعارىلعان ينۆەستيسيالىق پورتفەلدەرىن ساتۋ تۋرالى اقپارات ورنالاستىرىلعان ۆەب-سايتتار اشقان.
بۇل توپ 800-دەن استام ازاماتتى الداپ، 1 ميلليارد تەڭگەدەن استام شىعىن كەلتىرگەن.
اتالعان فاكتى بويىنشا سوتقا دەيىنگى تەرگەپ-تەكسەرۋ باستالىپ، كۇدىكتىلەر حالىقارالىق ىزدەستىرۋگە جاريالانعان.
2022 جىلدىڭ جەلتوقسانىندا باس پروكۋراتۋرانىڭ ەكستراديسيالىق سۇراۋى بويىنشا ىزدەۋدەگىلەردىڭ ءبىرى يسپانيا اۋماعىندا ۇستالدى.
ءقازىر ول استاناداعى تەرگەۋ يزولياتورىنا قامالدى.
اتالعان قىلمىستى جاساعانى ءۇشىن مۇلكىن تاركىلەپ، 10 جىلدان 15 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا قاراستىرىلعان.
ۇستالعاندى ەكستراديسيالاۋ قازاقستان رەسپۋبليكاسى مەن يسپانيا كورولدىگى اراسىنداعى ۇستاپ بەرۋ تۋرالى 2012 جىلعى 21 قاراشاداعى شارتتىڭ بولۋىنا بايلانىستى مۇمكىن بولدى.
پىكىر قالدىرۋ