الماتىدا جەر سىلكىنىسىنە توتەپ بەرە الماي، قابىرعالارى جارىلىپ، سىزاتتار تۇسكەن ساپاسىز سالىنعان باسپانالارعا كىم جاۋاپتى؟
وسى سيپاتتاعى جۋرناليستەر سۇراعىنا 1 اقپاندا سەنات دالىزىندە ونەركاسىپ جانە قۇرىلىس ۆيسە-مينيسترى تيمۋر قاراعويشين جاۋاپ بەردى.
ۆيسە-مينيستر قازاقستاندا ۇيلەردى سالۋ كەزىندە جەر سىلكىنىسىنە توزىمدىلىگىن تەكسەرۋ شارالارى الدا كۇشەيتىلە تۇسەدى دەپ ۋادەنى ۇيىپ-توگىپ، مۇنى دەپۋتاتتار دا قولداپ وتىرعانىن جەتكىزدى. شەندى الماتىداعى عيماراتتارعا سوڭعى جەر سىلكىنىسى ەلەۋلى زاقىم كەلتىرمەدى دەگەن ويدا.
ايتا كەتسەك، ق ر تجم سەيسمولوگيالىق باقىلاۋلار جانە زەرتتەۋلەر ۇلتتىق عىلىمي ورتالىعىنىڭ ديرەكتورى داۋلەت سارسەنبايەۆ 23 قاڭتاردا وتكەن بريفينگ بارىسىندا قالاداعى بارلىق نىساندا جەر سىلكىنىسىنەن كەيىن پايدا بولۋى ىقتيمال جارىقتار، سىزاتتاردىڭ بار-جوعى تەكسەرىلەتىنىن مالىمدەگەن بولاتىن.
پىكىر قالدىرۋ