ءازىربايجاننىڭ ورتالىق سايلاۋ كوميسسياسىنىڭ (وسك) ءتوراعاسى مازاحير پاناحوۆ پرەزيدەنتتىك سايلاۋدىڭ الدىن الا قورىتىندىلارىن جاريالادى. ونداعى مالىمەتتەرگە سايكەس، يلحام الييەۆ پرەزيدەنتتىك سايلاۋدا كەيىن سايلاۋشىلاردىڭ 92،0،5% داۋىسىنا يە بولىپ، كوش باستاپ تۇر.

ول وسك-عا 125 سايلاۋ وكرۋگى بويىنشا اشىلعان 6537 سايلاۋ ۋچاسكەسىنىڭ 6102-سىنەن (93،35 پايىز) داۋىس بەرۋ ناتيجەلەرى كەلىپ تۇسكەنىن اتاپ ءوتتى. پاناحوۆ حاتتامالارعا سايكەس، جارامدى دەپ تانىلعان داۋىستاردىڭ سانى 4 ميلليون 651 مىڭ 473 بولعانىن اتاپ ءوتتى.

رەسمي دەرەك بويىنشا، ۇمىتكەرلەرگە بەرىلگەن جارامدى داۋىستار ۇلەسى تومەندەگىدەي:

- يلحام الييەۆ - 4 ميلليون 281 مىڭ 625 داۋىس (92،05)؛

- فۋاد الييەۆ - 24 مىڭ 799 داۋىس (0،53 پايىز)؛

- گۋدرات گاسانگۋلييەۆ - 81 مىڭ 799 داۋىس (1،76 پايىز)؛

- ەلشاد مۇسايەۆ - 31 مىڭ 33 داۋىس (0،67 پايىز)؛

- فازيل مۇستافا - 92 مىڭ 980 داۋىس (2 پايىز)؛

- رازي نۋرۋللايەۆ - 37 مىڭ 386 داۋىس (0،80 پايىز)؛

- زاحيد ورۋدج - 101 مىڭ 851 داۋىس (2،19 پايىز).

ايتا كەتسەك، ءازىربايجاندا زاڭ بويىنشا پرەزيدەنت سايلاۋى 2025 جىلى ءوتۋى ءتيىس بولعان، الايدا تاۋلى قاراباقتى وزىنە قايتارىپ، تانىمالدىعى ارتقان الييەۆ ونى بيىل وتكىزۋدى ءجون كورگەن. سونداي-اق 2024 جىلى قاراشادا ازەربايجاندا بۇۇ-نىڭ كليماتتىق ءسامميتى وتەدى دەپ جوسپارلانىپ وتىر.

نەگىزىنەن، يلحام الييەۆ 2003 جىلى گەيدار الييەۆتىڭ ورنىن باسقان بولاتىن. ودان كەيىن ول 2008، 2013، 2018 جىلدارى قايتا-قايتا سايلانىپ، ەل باسشىلىعىنا كەلىپ الدى.