تۇركىستان وبلىستىق پوليسيا دەپارتامەنتى بۇل فاكت بويىنشا قىلمىستىق ءىس قوزعالعانىن، ءولىمنىڭ سەبەبىن انىقتاۋ ءۇشىن بالالاردىڭ دەنەسى ساراپتاماعا جولدانعانىن حابارلادى.
«قازىرگى ۋاقىتتا بولعان وقيعانىڭ بارلىق ءمان-جايىن انىقتاۋ جانە بالالاردىڭ قايتىس بولعانى مەن ولاردىڭ مەكەن-جايى تۋرالى قۇربىسىنا حابارلاعان انانىڭ، ياعني قىزىلوردا وبلىسى تۇرعىنىنىڭ ورنالاسقان جەرىن انىقتاۋ ماقساتىندا قاجەتتى جەدەل-تەرگەۋ شارالارى جۇرگىزىلۋدە»، دەلىنگەن وڭىرلىك پد باسپا ءسوز قىزمەتى.
جەرگىلىكتى Otyrar تەلەارناسى كۇدىكتى ايەلدىڭ قىزىلوردا وبلىسى، شيەلى اۋدانىنداعى پۋشكين اتىنداعى №46 مەكتەپتە تاربيەشى بولىپ جۇمىس ىستەگەنى تۋرالى اقپارات تاراتتى. بۇل اقپاراتتى شيەلى اۋداندىق ءبىلىم ءبولىمى دە ناقتىلعان.
ءوز كەزەگىندە تۇركىستان وبلىسىن باس پوليسەيى مۇرات قابدەنوۆ تۇرعىنداردى جالعان اقپارات تاراتپاۋدى سۇرايدى.
«ءىستىڭ تەرگەۋ بارىسى مەنىڭ جەكە باقىلاۋىما الىندى. جالعان اقپارات تاراتقانعا جاۋاپكەرشىلىك قاراستىرىلعانىن ەسكەرتەمىن جانە ازاماتتاردى تەك رەسمي دەرەككوزدەردەن الىنعان مالىمەتتەرگە سەنۋگە شاقىرامىن»،دەدى ول.
پىكىر قالدىرۋ