قازاقستاندا جىل باسىنان بەرى COVID-19 جۇقتىرعانداردىڭ سانى ەكى ەسەگە ءوستى. بۇل تۋرالى دەنساۋلىق ساقتاۋ ۆيسە-مينيسترى – باس سانيتارلىق دارىگەر ايجان ەسماعامبەتوۆا مالىمدەدى.
رەسمي مالىمەتكە سايكەس، بيىل قاڭتار ايىندا 2023 جىلدىڭ جەلتوقسانىمەن سالىستىرعاندا ناۋقاستاردىڭ سانى 2،5 ەسەگە وسكەن. ءبىر اي بۇرىن 187 ادام كوروناۆيرۋس جۇقتىرسا، قاڭتار ايىندا ولاردىڭ سانى 477-گە جەتتى. باسىم بولىگى الماتى (143 ادام) مەن استانادا (74 ادام) تۇرادى.
"26 قاڭتار مەن 1 اقپان ارالىعىندا ءبىر اپتانىڭ ىشىندە كۆي+ دياگنوزىمەن 144 ادام تىركەلگەن. سوودان كەيىن 11 ادام كۆي- بولىپ شىقتى. وسىلايشا، اۋرۋعا شالدىعۋ كورسەتكىشى ءوسىپ وتىر. جاڭادان اۋىرعاندار بۇرىنعىداي ءىرى مەگاپوليستەردى ءجيى تىركەلەدى"، - دەيدى ەسماعامبەتوۆا.
ونىڭ ايتۋىنشا، قازىرگى كەزدە رەسپۋبليكا جانە بارلىق وبلىستار جاسىل ايماققا كىرەدى. ال ينفەكسيالىق اۋرۋحانالاردا توسەك ورىنداردىڭ 1 پروسەنتى عانا بوس ەمەس.
8 اقپاندا باس سانيتارلىق دارىگەر قازاقستاننىڭ مەديسينالىق مەكەمەلەرىندە ماسكا رەجيمىن ەنگىزۋگە قاۋلى شىعاردى. ازاماتتارعا حالىق كوپ جينالاتىن ورىنداردا دا بەتپەردە تاعۋ ۇسىنىلدى.
بۇعان دەيىن پارلامەنت ماجىلىسىندە بەپتەردە تاعۋ تالابى ەنگىزىلدى. ال كەيبىر شارالار ونلاين فورماتتا وتكىزىلەدى.
پىكىر قالدىرۋ