«ش. ءۋاليحانوۆ اتىنداعى اسكەري كوللەدجىندە 1-كۋرس كادەتى تاۋلىكتىك كەزەكشىلىك مىندەتىن وتەۋگە كىرىسۋ بارىسىندا بەكىتىلگەن قارۋدان وز-وزىنە وق جاراقاتىن جاساۋ ناتيجەسىندە مەرت بولدى»، - دەلىنگەن حابارلامادا.
اتالعان فاكت بويىنشا قىلمىستىق ءىس قوزعالىپ، وقيعانىڭ سەبەپتەرى مەن ءمان-جايى انىقتالۋ ۇستىندە. تەرگەۋ مۇددەسىنە سايكەس باسقا اقپارات جاريا ەتىلمەيدى.
«قورعانىس مينيسترلىگىنىڭ باسشىلىعى جانە اسكەري كوللەدجدىڭ جەكە قۇرامى كادەتتىڭ وتباسى مەن جاقىندارىنا قايعىلارىنا ورتاقتاسىپ كوڭىل ايتادى»، - دەلىنگەن منيستردىك حابارلاماسىندا.
ق ر قورعانىس مينيسترلىگىنە قاراستى شوقان ءۋاليحانوۆ اتىنداعى اسكەري كوللەدجى اقمولا وبلىسىنىڭ ششۋچينسك قالاسىندا ورنالاسقان. كوللەدج قارۋلى كۇشتەر ءۇشىن كاسىبي سەرجانتتار دايىندايتىن نەگىزگى ورتالىق سانالادى.
پىكىر قالدىرۋ