قىتايدىڭ قوعامدىق قاۋىپسىزدىك مينيسترلىگىمەن ىنتىماقتاساتىن iSoon كومپانياسى قۇپيا قۇجاتتامالاردىڭ جىلىستاپ كەتۋىنە جول بەرگەنى بەلگىلى بولدى. بارلىق فايلدار GitHub قىزمەتىندە اشىق جاريالانىپ كەتكەن. 

   شەت مەملەكەتكە شىعىپ كەتكەن اقپاراتتارعا قاراعاندا قىتايدا الىنعان دەرەكتەردى تالداپ، سۇرىپتاي وتىرىپ، ينتەرنەتتەگى جاريالانىمداردى باقىلاۋ جۇيەسى جاسالعان. اتاپ ايتقاندا، جۇڭگو بيلىگى ءۇشىن قىزىعۋشىلىق تۋعىزاتىن تاقىرىپتاردى تالقىلاۋعا مۇمكىندىك بەرەتىن ح الەۋمەتتىك جەلىسىندەگى پوستتاردى باقىلاۋ پلاتفورماسى قۇرىلعان.

   حاكەرلەر كەز-كەلگەن اقپاراتتى الۋ ارقىلى Android جانە iOS قۇرىلعىلارىنا شابۋىل جاساي الادى دەگەن بولجام بار. قۇجاتتاردا Beeline، Kcell جانە Tele2 سياقتى قازاقستاندىق بايلانىس وپەراتورلارىنىڭ دەرەكتەرى تاراپ كەتكەنى دە حابارلانادى. قۇجاتتاردا قازاقتەلەكوم مەن بجزق تۋرالى دا ايتىلادى.

بيلىك ءتيىستى ۇيىمداردا دەربەس دەرەكتەر جانە ولاردى قورعاۋ، سونداي-اق اقپاراتتىق قاۋىپسىزدىك تۋرالى زاڭناما تالاپتارىن ساقتاۋ تۇرعىسىنان جوسپاردان تىس تەكسەرۋ جۇرگىزۋگە ۋادە بەرەتىنىن مالىمدەدى.