ءتىپتى فيلمدە ايتىلاتىن «كوكتوبەدەن الماتى الاقانداعىداي كورىنەدى» دەگەن ءسوز  جاستاردىڭ ءجيى قولداناتىن تىركەسىنە اينالىپ كەتكەن ەدى. ەندى اراعا 17 جىل سالىپ رەجيسسەر «جارالى سەزىم – 2» ءفيلمىن جارىققا شىعاردى.

فيلم جەلىسى بويىنشا بۇرىنعى عاشىقتار اراي مەن قاناتتىڭ بالاسى ازامات ەسەيىپ، ەسىرتكى ساۋداسىمەن اينالىسادى. كەيىن ەسىرتكى ساتىپ جۇرگەن جەرىنەن ۇستالىپ، تۇرمەگە تۇسەدى. وسىلايشا، فيلم شىتىرمان وقيعالارعا ۇلاسادى

   -  «جارالى سەزىم» كينوسى العاش رەت 2006 جىلى ءتۇسىرىلىپ، 2007 جىلى جارىققا شىققان بولاتىن. بۇل كينونى تۇسىرگەندە، مەندە ەشقانداي تاجىريبە بولمادى. ءارى وسى سالانىڭ مامانى ەمەسپىن. سول كەزدە كارىستىڭ «ۆا-بانك» دەگەن سەريالىن كورىپ، سودان كينو ءتۇسىرۋدى ۇيرەندىم. سودان بەرى 17 جىل ءوتتى. كەيىنىرەك جاڭالىقتاردان «ۆا-بانكتىڭ» جالعاسى تۇسىرىلەيىن دەپ جاتقانى جونىندە وقىدىم. سودان نەگە بىزگە دە «جارالى سەزىمنىڭ» جالعاسىن تۇسىرمەسكە» دەگەن ويمەن بۇرىنعى ارتىستەرىمدى جيناپ الىپ، سول كينونى تۇسىردىك.

     ال قارجىلاندىرۋ ماسەلەسىنە كەلسەك، «اللا تاعالا ماعان كينو تۇسرىرە الاتىن قابىلەت بەرگەن ەكەن عوي» دەپ تاۋەكەل ەتىپ، اقشانى ىزدەمەي، كينونى باستاپ كەتەمىن. بۇنىڭ الدىندا «باقىتىڭدى ايالا» كينوسىنا ءبىر اعامىزدان 1000 دوللار الىپ، سونى باستاپ كەتتىم. بۇل جولى كينونى تۇسىرەردە 1 ميلليون تەڭگە جۇمسادىم. سودان انادان سۇراپ، مىنادان سۇراپ، ۇستەمە اقىمەن ءتۇسىرىلىمنىڭ جارتىسىنا كەلگەندە، كاسىپكەر دوسىم كەۋلىمجان بيجانوۆ قارجىلاي كومەكتەستى. وسىلايشا، سونىڭ ارقاسىندا كينونىڭ ءتۇسىرىلىمى دە ءبىتتى، – دەيدى رەجيسسەر Qamshy.kz-كە بەرگەن پىكىرىندە.

 ايتا كەتەيىك، «جارالى سەزىم – 2» ءفيلمى 22 اقپاننان باستاپ، ەلىمىزدىڭ بارلىق كينوتەاترىندا كورسەتىلەتىن بولادى.