ەلىمىزدە يننوۆاسيا مەن جاڭا تەحنولوگيالاردى دامىتۋ ءۇشىن ۆەنچۋرلىق سەكتورعا قوماقتى قارجى بولىنبەكشى. ياعني، ينۆەستيسيا "سامۇرىق–قازىنا" كومپانيالارىنان، بانكتەردەن، ساقتاندىرۋ كومپانيالارىنان جانە زەينەتاقى قورلارىنان تارتىلماق.
سونداي-اق قازاقستاننىڭ كاسىپكەرلىك كودەكسى مەن الەۋمەتتىك كودەكسىنە وزگەرتۋلەر ەنگىزۋ جوسپارلانىپ وتىر. وزگەرتۋلەر جوباسى دايىن، ول جاقىن ارادا ءماجىلىستىڭ تالقىلاۋىنا ۇسىنىلادى.
سيفرلىق دامۋ مينيسترلىگىنىڭ تۇسىندىرمە جازباسىنا سايكەس، بۇل شارا پرەزيدەنتتىڭ ۆەنچۋرلى قورلاردى قارجىلاندىرۋعا شەتەلدىك جانە وتاندىق ينۆەستورلاردى تارتۋ جونىندەگى تاپسىرماسىمەن ورىنداۋ ءۇشىن قولعا الىنعان.
ءبىرىڭعاي جيناقتاۋشى زەينەتاقى قورى ەندى ۆەنچۋرلى قورلاردىڭ جارعىلىق كاپيتالىنداعى ۇلەستەردى نەمەسە قاتىسۋ ۇلەستەرىن ساتىپ الا الادى. ودان ينۆەستيسيالىق تابىس كورۋگە دە قۇقىلى بولادى. ەگەر جوبالار تابىستى جۇزەگە اسىپ جاتسا، جوعارى ينۆەستيسيالىق تابىس ەسەبىنەن قازاقستاندىقتاردىڭ جەكە جيناعىنىڭ سوماسى دا ارتا تۇسەدى.
پىكىر قالدىرۋ