"ءبىرىڭعاي ۋاقىت بەلدەۋىنە كوشۋگە بايلانىستى 2024 جىلى 29 اقپاندا ساعات 22:00-دەن 2:00-گە دەيىن تەحنيكالىق جۇمىستار جۇرگىزىلەتىن بولادى. وسى ۋاقىت ارالىعىندا قىسقا مەرزىمدە ءبىرقاتار جوبالار قولجەتىمسىز بولۋى مۇمكىن"، دەلىنگەن حابارلامادا.
قىسقا مەرزىمدە ىستەمەي تۇرۋى ىقتيمال جوبالار قاتارىنا مىنالار جاتقىزىلادى:
- egov.kz پورتالى مەن ونىڭ كومپونەنتتەرى؛
- egov Mobile ءموبيلدى قوسىمشاسى؛
- "ە-نوتاريات" ءبىرىڭعاي نوتارياتتىق اقپاراتتىق جۇيەسى؛
- "تەحنيكالىق بايقاۋ" ءبىرىڭعاي اقپاراتتىق جۇيەسى؛
- "e-Otinish"ەلەكتروندىق وتىنىشتەر سەرۆيسى؛
- جانە "ۇلتتىق اقپاراتتىق تەحنولوگيالار "اق سۇيەمەلدەيتىن باسقا دا اقپاراتتىق جۇيەلەر مەن مەملەكەتتىك دەرەكقورلار.
ايتا كەتسەك، قازاقستان 1 ناۋرىزدان باستاپ ءبىرىڭعاي ۋاقىت بەلدەۋىنە كوشەدى. 19 قاڭتاردا ۇكىمەت قازاقستاننىڭ بارلىق اۋماعىندا UTC+5 ۋاقىت بەلدەۋىن ەنگىزۋ تۋرالى قاۋلىنى بەكىتتى. وعان سايكەس، 1 ناۋرىزدا ساعات 00:00-دە استانا، الماتى، شىمكەنت قالالارى، اباي، اقمولا، الماتى، جامبىل، جەتىسۋ، قاراعاندى، كوستاناي، پاۆلودار، سولتۇستىك قازاقستان، تۇركىستان، ۇلىتاۋ، شىعىس قازاقستان وبلىستارىنىڭ اكىمدىكتەرى جەرگىلىكتى ۋاقىتتى ءبىر ساعاتقا ارتقا جىلجىتۋى ءتيىس.
پىكىر قالدىرۋ