بۇل سۇراقتى ءماجىلىس دەپۋتاتى ەرمۇرات باپيعا قويىپ كورىپ ەدىك. الايدا ول بۇل پىكىرمەن كەلىسپەيتىندىگىن ايتتى.
– بۇل پىكىرىڭىزگە دە قارسى ءۋاج ايتۋعا تۋرا كەلەدى. بۇگىندە پرەزيدەنت توقايەۆتى جانە ونىڭ ساياساتىن «تيسە – تەرەككە، تيمەسە – بۇتاققا» دەپ وڭدى-سولدى سىناپ جاتقان ينتەرنەت رەسۋرستار (يۋتۋب، تەلەگرام، تيك-توك، ت.ب.) بۇدان ەكى-ۇش جىل بۇرىن بار ما ەدى؟
جوق! بولعانى – «دات» گازەتى سياقتى بىرەن-ساران ب ا ق ەدى عوي. ياعني، «العا جىلجۋ مەن ىلگەرىلەۋ» بار ەكەنىن كورسەتەتىن ءبىر يندەكاتور – ءسوز بوستاندىعى وسى ەمەس پە؟ وسىدان كەيىن ەل مەن قوعامنىڭ ومىرىنە جىلىمىق كىرە باستاعانىن نەگە مويىندامايمىز؟
ال الەۋمەتتىك سالاداعى پرەزيدەنتتىڭ باستامالارى بىرتە-بىرتە جۇزەگە اسا باستاعانى ءوز الدىنا بولەك اڭگىمە. ارينە، ازىرگە «العا جىلجۋدىڭ» ديناميكاسى شاپشاڭ ەمەس، باياۋ ءجۇرىپ جاتقانى جاسىرىن ەمەس. اسىرەسە، قوعامدىق-ساياسي سالا وزگەرىستەرگە ساراڭ بولىپ تۇر. ءالىپتىڭ ارتىن باعۋ، سىلبىرلىق، كىبىرتىك كوپ. ءبىراق «سەڭ قوزعالدى» عوي! ءبىز وزگەرىستەردىڭ بۇل باستاماسىن وتپەلى كەزەڭنىڭ قۇندىلىعى رەتىندە قابىلداي ءبىلۋىمىز كەرەك، – دەيدى ءماجىلىس دەپۋتاتى.
پىكىر قالدىرۋ