ق ر سىرتقى ىستەر ءمينيسترى مۇرات نۇرتىلەۋ ەلىمىزدىڭ بيىل ەكى فورۋم ءتوراعاسى بولاتىنىن جەتكىزدى:
- يادرولىق قارۋدى تاراتپاۋ تۋرالى شارتتىڭ شولۋ كونفەرەنسياسىنىڭ ەكىنشى دايىندىق كوميتەتى؛
- يادرولىق قارۋعا تىيىم سالۋ تۋرالى شارتتىڭ ءۇشىنشى كونفەرەنسياسىنا.
بۇل تۋرالى مينيستر جەنيەۆادا وتكەن بيولوگيالىق قارۋعا تىيىم سالۋ تۋرالى كونۆەنسيادا ءمالىم ەتتى. ول حالىقارالىق دەلەگاسيالاردى قازاقستان پرەزيدەنتى قاسىم-جومارت توقايەۆتىڭ بيولوگيالىق قاۋىپسىزدىك جونىندەگى حالىقارالىق اگەنتتىك قۇرۋ تۋرالى باستاماسىن ىسكە اسىرۋ بويىنشا بىرلەسىپ جۇمىس ىستەۋگە شاقىردى.
مۇحتار نۇرتىلەۋ حەۇ باس ديرەكتورىنا ق ر پرەزيدەنتى توقايەۆتىڭ اتىنان 2024 جىلدىڭ ماۋسىم ايىندا وتەتىن استانا حالىقارالىق فورۋمىنا شاقىرۋدى تابىس ەتتى.
ايتا كەتسەك، قارۋسىزدانۋ جونىندەگى كونفەرەنسيا (قك) بۇۇ باس اسسامبلەياسىنىڭ 1978 جىلى وتكەن قارۋسىزدانۋ جونىندەگى ءبىرىنشى ارنايى سەسسياسىنىڭ شەشىمىمەن 1979 جىلى قۇرىلدى. قك – «وندىق» كوميتەتىنىڭ (1960)، «ون سەگىز» كوميتەتىنىڭ (1962-1968)، قارۋسىزدانۋ كوميتەتى كونفەرەنسياسىنىڭ (1969-1978) مۇراگەرى بولدى. قازىرگى ۋاقىتتا 65 مەملەكەت قارۋسىزدانۋ جونىندەگى كونفەرەنسيا مۇشەلەرى بولىپ تابىلادى. كونفەرەنسيا ءداستۇرلى تۇردە جەنيەۆاداعى (شۆەيساريا) بۇۇ ۇلتتار سارايىندا وتىرىستار وتكىزەدى.
پىكىر قالدىرۋ