مەملەكەتتىك قىزمەت ىستەرى اگەنتتىگىنىڭ ءتوراعاسى دارحان جازىقباي "قازاقستان رەسپۋبليكاسىنىڭ كەيبىر زاڭنامالىق اكتىلەرىنە ولاردى قازاقستان رەسپۋبليكاسى كونستيتۋسياسىنىڭ نورمالارىنا سايكەس كەلتىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭ جوباسىن ءبىرىنشى وقىلىمدا تانىستىردى.
- زاڭ جوباسى مەملەكەتتىك قىزمەت تۋرالى زاڭنىڭ بىرنەشە بابىنا تۇزەتۋ ەنگىزۋدى قامتيدى. مەرزىمسىز تىيىم سالۋدىڭ ورنىنا مەملەكەتتىك قىزمەتكە كىر كەلتىرەتىن تارتىپتىك تەرىس قىلىق جاساعانى ءۇشىن جۇمىستان شىعارىلعان ازاماتتى مەملەكەتتىك قىزمەتكە قابىلداۋدى شەكتەۋدىڭ 2 جىلدىق مەرزىمى بەلگىلەنەدى، - دەدى ول.
ياعني، زاڭ جوباسىندە مەملەكەتتىك قىزمەتكە كىرۋ كەزىندەگى شەكتەۋلەردى سالاارالىق سارالاۋ كوزدەلگەن. شەكتەۋلەر بويىنشا نورمالاردىڭ رەداكسياسى وزگەرگەندىكتەن 59 جانە 61-باپتارعا تۇزەتۋلەر مەن زاڭنىڭ 16-بابىنىڭ ەرەجەلەرىنە ءتيىستى سىلتەمەلەر جاسالدى. سونداي-اق كەلىسىمشارتتاعى قىزمەتكەرلەر بويىنشا دا نورمالار 16-باپقا سايكەستەندىرىلگەن.
پىكىر قالدىرۋ