ەلوردادا قازاقستان مۇسىلماندارى ءدىني باسقارماسىنىڭ ۇيىمداستىرۋىمەن وتكەن ءى رەسپۋبليكالىق ۋاعىزشىلار فورۋمىندا "ۋاعىز-ناسيحات ايتۋدىڭ ادەبى مەن مادەنيەتى" تۇعىرناماسى قابىلداندى، دەپ حابارلادى قمدب باسپا ءسوز قىزمەتى.
قۇجاتتىڭ ءماتىنىن قمدب ۋاعىز-ناسيحات ءبولىمىنىڭ مەڭگەرۋشىسى باتىرجان مانسۇروۆ تانىستىردى.
تۇعىرنامادا حالىق اراسىندا ۋاعىز ايتىپ، جاماعاتقا ادال مەن ارامدى ءتۇسىندىرىپ جۇرەتىن يمامدارعا قاجەتتى ەرەجە-قاعيدالار قامتىلعان.
"بۇل قۇجاتتىڭ ماقساتى – قمدب-عا قاراستى مەشىتتەردە ۋاعىز-ناسيحات جۇمىستارىنىڭ بىرىزدىلىگىن قامتاماسىز ەتۋ، ءدىن قىزمەتكەرلەرىنە ءدىنىمىزدىڭ قۇندىلىقتارىن دۇرىس باعىتتا دارىپتەۋ ءۇشىن باعىت-باعدار بەرۋ، ۋاعىز-ناسيحات ايتۋدىڭ مەتوديكاسىنا نازار اۋدارۋ جانە ءدىني ۋاعىز-ناسيحاتتىڭ مودەلىن قالىپتاستىرۋ" دەپ اتاپ ءوتتى باتىرجان بەردەن ۇلى.
پىكىر قالدىرۋ