جىل باسىنان باستاپ، قازاقستاندىقتاردىڭ ۆيزا راسىمدەمەي-اق ساياحاتتاۋ مۇمكىندىگى ارتتى.

ەندى قازاقستان ازاماتتارى ۇلتتىق تولقۇجاتپەن 40 ەلگە بارا الادى. 

2023 جىلدىڭ قاراشا ايىنان باستاپ ۆيزاسىز ەلدەردىڭ ءتىزىمىن جۇڭگو مەن سەيشەل ارالدارى تولىقتىردى. بۇل وتاندىق تۋريستەر مەن بيزنەسمەندەرگە قولجەتىمدى باعىتتاردىڭ گەوگرافياسىن كەڭەيتتى. ەلىمىزدىڭ سىرتقى ىستەر مينيسترلىگىنىڭ سايتىندا ۇسىنىلعان اقپاراتقا سايكەس، قازاقستاندىق پاسپورت الەمنىڭ 30-دان اسا ەلىندە ەمىن-ەركىن جۇرۋگە مۇمكىندىك بەرەدى. دەگەنمەن ولاردىڭ ءارقايسىسىنىڭ تۇراقتاۋ ۋاقىتىندا بەلگىلى ءبىر شەكتەۋلەر بار.

ۆيزاسىز ۇزاق ۋاقىت بولۋعا مۇمكىندىك بەرگەن جەتەكشى ەلدەر:

· گرۋزيا - ءبىر جىلعا دەيىن؛

· ارمەنيا - التى ايعا دەيىن؛

· سەنت-ۆينسەنت جانە گرەناديندەر - التى ايعا دەيىن.

90 كۇنگە دەيىنگى قىسقا مەرزىمدى ساپارلارعا قولايلى ەلدەر كەلەسىدەي:

· البانيا؛

· اندوررا؛

· ازەربايجان؛

· گايتي؛

· كولۋمبيا؛

· مولدوۆا؛

· موڭعوليا؛

· رەسەي؛

· تۇركيا؛

· ۋكراينا.

الايدا، قازاقستاندىقتار تۇركيادا جارتى جىلدا 90 كۇنگە دەيىن عانا ۆيزاسىز بولا الاتىنىن ەسكەرگەن ءجون.

وتانداستارىمىز تومەندە كورسەتىلگەن ەلدەرگە ءبىر ايعا ساياحاتتاي الادى:

· ارگەنتينا؛

· برازيليا؛

· ۆەتنام؛

· دومينيكان رەسپۋبليكاسى؛

· قاتار؛

· جۇڭگو؛

· وڭتۇستىك كورەيا (2022 جىلعى 1 ساۋىردەن باستاپ كورەياعا كىرۋگە ەلەكتروندىق رۇقسات بەرۋ جۇيەسى (K-ETA) ىسكە قوسىلدى؛

· كۋبا؛

· مالايزيا (ەلگە كىرۋ ءۇشىن MDAC ەلەكتروندىق كوشى-قون كارتاسى قاجەت، ونى ەلگە بارار الدىن 3 كۇن بۇرىن تولتىرۋعا بولادى)؛

· مالديۆ رەسپۋبليكاسى؛

· نيكاراگۋا؛

· ءباا؛

· سان-مارينو؛

· سەيشەل ارالدارى؛

· سەربيا؛

· تۋنيس؛

· فيليپپيندەر؛

· ەكۆادور.

بۇل رەتتە باربادوستا تۇراقتاۋدىڭ ماكسيمالدى ۇزاقتىعى 28 كۇن ەكەنىن ۇمىتپاعان ءجون.

قازاقستاندىقتار 14 كۇنگە دەيىن ۆيزاسىز 4 ەلگە بارا الادى:

· گونكونگ؛

· يران؛

· ومان؛

· تايلاند (جاقىندا قازاقستانمەن ۆيزاسىز رەجيمدى جارتى جىلعا ۇزارتتى).

سونىمەن قاتار ۆيزانى ۇشىپ بارعاندا راسىمدەۋگە مۇمكىندىك بەرەتىن بىرنەشە ەل بار. اتاپ ايتقاندا:

· زامبيا؛

· يندونەزيا؛

· ماۆريكيي؛

· ناميبيا.

بەلارۋس، قىرعىزستان، تاجىكستان جانە ازەربايجان ءتارىزدى تمد ەلدەرىندە 30 كۇن بولعاننان كەيىن كوشى-قون ورگاندارىندا تىركەلۋ قاجەت. ال وزبەكستاندا 5 كۇننەن كەيىن تىركەلۋ كەرەك.