الدىن الا ەسەپ بويىنشا بيۋدجەتكە 14،3 ملرد تەڭگەگە زالال كەلتىرىلىپ، سوتقا دەيىنگى 23 تەرگەۋ باستالعان. ياعني، ەكولوگيالىق قاۋىپسىزدىكتى قامتاماسىز ەتۋ ماقساتىندا مەملەكەت كولىك قۇرالىنىڭ شىعارىلعان جىلىنا بايلانىستى تىركەۋ الىمدارىنىڭ مولشەرلەمەسىن تومەندەتۋ ارقىلى ەلگە جاڭا جۇك كولىكتەرى مەن اۆتوبۋستاردى اكەلۋدى ىنتالاندىرادى. كولىكتەردىڭ كوپشىلىگى ءالى دە ديزەلمەن جۇمىس ىستەيدى جانە سونىڭ سالدارىنان اۋانىڭ لاستانۋ دەڭگەيى ارتىپ كەلەدى. ەگەر اۆتوكولىكتىڭ شىعارىلۋ مەرزىمى 5 جىلدان اسسا، وندا 2 500 اەك تولەۋ كەرەك، ال ەگەر 2 جىل تولماسا، تولەنەتىن سوما 0،25 اەك-كە دەيىن قىسقارادى.

«كەيبىر جوسىقسىز ازاماتتار ەلگە ەسكى جانە ءقاۋىپتى جۇك كولىكتەرىن، اۆتوبۋستاردى جالعان قۇجاتتار بويىنشا اكەلۋگە تىرىسىپ، شىعارىلعان جىلىن اۋىستىرادى. تەك انىقتالعان فاكتىلەر بويىنشا 2022-2023 جىلدارى سوتقا دەيىنگى 23 تەرگەۋ باستالدى، وندا الدىن الا ەسەپ بويىنشا بيۋدجەتكە 14،3 ملرد تەڭگەگە زالال كەلتىرىلگەن» — دەلىنگەن حابارلامادا.

    قازىرگى ۋاقىتتا مامانداندىرىلعان حقكو-نىڭ 59 لاۋازىمدى تۇلعاسى مەن مەملەكەتتىك ورگانداردىڭ قىزمەتكەرلەرىنىڭ قاتىستىلىعى تەكسەرىلىپ جاتىر. 

    سونداي-اق، قارجىلىق مونيتورينگ اگەنتتىگىنىڭ باسپا ءسوز قىزمەتىنىڭ مالىمەتىنشە، «كولىك قۇرالدارىن زاڭسىز باستاپقى تىركەۋدىڭ نەگىزگى سحەمالارى انىقتالدى. الاياقتىق سحەمالاردى ۇيىمداستىرۋشىلار ارنايى حقكو-عا باستاپقى الىمنىڭ ەڭ تومەنگى مولشەرلەمەسىن تولەۋ ماقساتىندا شىعارىلعان كۇنى وزگەرتىلگەن جالعان تۇبىرتەكتەردى ۇسىنا وتىرىپ، اۆتوكولىكتى ەسەپكە قويۋدى جۇزەگە اسىرعان. كەيبىر جاعدايدا تىركەۋ (2016 جىل بۇرىن) Egov پورتالى ارقىلى ونلاين رەجيمىندە، جالعان قۇجاتتاردى پايدالانا وتىرىپ، رەسمي ديلەردەن ساتىپ الىنعان جانە جاڭا كق رەتىندە الىمداردى تولەۋ ارقىلى جۇرگىزىلگەن، – دەلىنگەن.