وبلىستىق پروكۋراتۋرانىڭ مالىمەتىنشە، الماتى وبلىسىندا قورعاسىن شىعاراتىن شاحتانىڭ جۇمىسى توقتاتىلدى. ياعني، كەگەن اۋدانىندا "تۇيىق" قورعاسىن كەن ورنىندا تاۋ-كەن جۇمىستارىن جۇرگىزۋ كەزىندە ونەركاسىپتىك قاۋىپسىزدىك نورمالارىن بۇزۋ فاكتىلەرى انىقتالعان. پروكۋرورلار شاحتاداعى تەكسەرىس جۇمىستارى كەزىندە شاحتا بەكىنىستەرى زاقىمدانعانى، شاتىر مەن بورتتار بويىنشا تاۋ ماسساسى بولىكتەرىنىڭ قاتىپ قالعانى، سونداي-اق جوبالاۋ قۇجاتتاماسىنان اۋىتقۋ جانە بەكىتۋ ماتەريالى پاسپورتتارىنىڭ جانە وزگە دە ورىنداۋشىلىق قۇجاتتامانىڭ جوق ەكەنى انىقتالعاندىعىن ايتادى.
ناتيجەسىندە، زاڭبۇزۋشىلىقتار 25 كەنشىنىڭ ءومىرى مەن دەنساۋلىعىنا ۇلكەن ءقاۋىپ ءتوندىرىپ تۇرعانى انىقتالعان. ءتىپتى قۇلاۋ ءقاۋپى دە بار. وسىعان بايلانىستى شاحتانىڭ قىزمەتى زاڭبۇزۋشىلىقتار جويىلعانعا دەيىن توقتاتىلدى.
پىكىر قالدىرۋ