سايلاۋ بيۋللەتەندەرىنىڭ 97 پايىزى سانالعاننان كەيىنگى ەسەپ بويىنشا، پۋتين 87،3 پايىز داۋىس العان. بۇل ونىڭ 2030 جىلعا دەيىن جوعارى بيلىكتە وتىراتىن بەسىنشى مەرزىمى بولماق.

بيۋللەتەندە ءتورت كانديداتتىڭ ءاتى-جونى جازىلعان. ونىڭ ىشىندە سايلاۋعا پۋتين ءوزىن-وزى ۇسىندى. ال نيكولاي حاريتونوۆ (كپرف – كوممۋنيستەر) – 4،3 پايىز داۋىس جيناسا، ۆلاديسلاۆ داۆانكوۆ ("نوۆىە ليۋدي") – 3،8 پايىز، لەونيد سلۋسكيي (لدپر) – 3،2 پايىز داۋىس العان. بيۋللەتەندەردىڭ 1،4 پايىزى جارامسىز دەپ تانىلعان. ياعني، سايلاۋشىلاردىڭ كوبى كەيبىر كانديداتتاردى جاقتىرماعان.

رەسەي وسك سوعىسقا قارسى ەكەنىن مالىمدەگەن پرەزيدەنتتىككە ۇمىتكەرلەر – رجيەۆتەن شىققان جۋرناليست ەكاتەرينا دۋنسوۆا مەن دولگوپرۋدنىي قالاسىنىڭ مۋنيسيپالدى دەپۋتاتى بوريس نادەجديندى سايلاۋعا قاتىستىرماي قويدى. ءتىپتى دۋنسوۆاعا قول جيناۋعا رۇقسات بەرمەگەن دە. نادەجدين ءوزىن قولدايتىن 200 مىڭنان استام ادامنان قول جيناعان، ءبىراق وسك ولاردىڭ ىشىندە "جارامسىز" پاراقتار بارىن العا تارتتى. نادەجدين سوتقا جۇگىنگەنىمەن، جەڭە الماعان.

رەسەي پرەزيدەنتى سايلاۋىندا داۋىس بەرۋ ءۇش كۇن بويى – 15-17 ناۋرىز ارالىعىندا ءوتتى.