بۇل تۋرالى پرەمەر-مينيستردىڭ ورىنباسارى - ۇلتتىق ەكونوميكا ءمينيسترى نۇرلان بايبازاروۆ مالىمدەدى. ونىڭ مالىمدەۋىنشە، اۋىلداردىڭ ەكونوميكاسىن قارقىندى دامىتۋ ءۇشىن اۋىل بيۋدجەتىنىڭ كىرىستەر بولىگىن ۇلعايتۋ قاجەت. 

 - وسى ماقساتتا بيۋدجەتتىڭ IVدەڭگەيىندەگى كىرىستەرىن 2،5 ەسە ارتتىرىپ، 167 ملرد تەڭگەگە جەتكىزۋگە مۇمكىندىك بەرەتىن قوسىمشا سالىقتار مەن تولەمدەردىڭ كەيبىر تۇرلەرىن بەرۋ جوسپارلانۋدا. اتاپ ايتقاندا، جەكە جانە زاڭدى تۇلعالاردىڭ مۇلىك سالىعىنىڭ 50%-ى، جەكەلەگەن قىزمەت تۇرلەرىمەن اينالىسۋ قۇقىعى ءۇشىن ليسەنزيالىق الىم، پايدالانعانى ءۇشىن تولەماقى جانە جەر ءۇستى كوزدەرىنىڭ سۋ رەسۋرستارىن پايدالانعانى ءۇشىن تولەم، — دەدى بايبازاروۆ ۇكىمەتتىڭ بۇگىنگى وتىرىسىندا.

ياعني، ءمينيستردىڭ سوزىنە قاراعاندا، بۇعان دەيىن ءبىراز جوبا ىسكەر اسىرىلعان. ونىڭ ىشىندە ءتۇرعىن-ۇي كوممۋنالدىق شارۋاشىلىق سالاسىنداعى 578 نىساندى، 1،7 مىڭ الەۋمەتتىك نىسان مەن 3 مىڭنان اسا اۋىلىشىلىك جولداردى سالۋعا، جوندەۋگە مۇمكىندىك بەرەدى. سونداي-اق بيىل رەسپۋبليكالىق بيۋدجەتتەن 179 ملرد تەڭگە ءبولىنىپ، 500-دەن استام اۋىلدا 1،4 مىڭ جوبانى ىسكە اسىرۋ جوسپارلانۋدا.