كەشە ماسكەۋدەگى "كروكۋس سيتي حولل" عيماراتىندا بەلگىسىز بىرەۋلەر اتىس ۇيىمداستىرعان بولاتىن. رەسەي تەرگەۋ كوميتەتىنىڭ باس تەرگەۋ باسقارماسى ماسكەۋ وبلىسىنداعى تەراكتىگە قاتىستى قىلمىستىق ءىس قوزعادى.
بەلگىلى اقپارات بويىنشا، قايتىس بولعان ادامداردىڭ سانى 60 ادامنان استى.
مەملەكەت باسشىسى قاسىم-جومارت توقايەۆ قازاقستان ماسكەۋدەگى بەيبىت ازاماتتارعا قارسى تەرروريستىك اكتىنى قاتاڭ ايىپتايتىنىن حابارلادى.
پرەزيدەنت تەرروريزمدى مۇلدە اقتاۋعا بولمايدى دەپ سانايدى. ول بۇۇ-عا مۇشە مەملەكەتتەردى جازىقسىز ازاماتتارعا قارسى زورلىق-زومبىلىقتىڭ بۇل تۇرىنە ءبىراۋىزدان قارسىلىق تانىتۋعا شاقىردى.
"پرەزيدەنتتىڭ تاپسىرماسى بويىنشا، قاجەت بولعان جاعدايدا، قازاقستاننىڭ قۇقىق قورعاۋ ورگاندارى رەسەيلىك ارىپتەستەرىنە كومەك كورسەتەدى. سونىمەن قاتار قازاقستان پرەزيدەنتى لاڭكەستىك ارەكەت كەزىندە ازاماتتاردىڭ قازا تابۋىنا بايلانىستى رەسەي پرەزيدەنتى ۆلاديمير پۋتينگە كوڭىل ايتتى"، – دەلىنگەن اقوردا حابارلاماسىندا.
پىكىر قالدىرۋ