وزدەرىڭىز بىلەتىندەي، 2023 جىلى تابيعاتتىڭ اۋىر كليماتتىق جاعدايى شارۋالاردىڭ قارجىلىق جاي-كۇيىنە اسەر ەتتى. مەملەكەت باسشىسىنىڭ تاپسىرماسى بويىنشا زارداپ شەككەن فەرمەرلەردى قولداۋ ءۇشىن ۇكىمەت تاراپىنان بارلىق قاجەتتى شارالار قابىلداندى. بۇگىنگى تاڭدا 2024 جىلعا ارنالعان باستى مىندەت - كوكتەمگى ەگىس جۇمىستارىن ۋاقتىلى جانە ساپالى جۇرگىزۋ. ول ءۇشىن مينيسترلىك بارلىق قاجەتتى شارالاردى قابىلداپ جاتىر. كەرەكتى مەملەكەتتىك ورگاندار مەن ۇيىمداردى، سونداي-اق وبلىستار مەن قالالار اكىمدەرىنىڭ ورىنباسارلارىن تارتا وتىرىپ، وڭىرلەردە كوكتەمگى ەگىس ناۋقانىن جۇرگىزۋ جۇمىستارىن ۇيلەستىرۋ جونىندەگى جەدەل شتاب قۇرىلدى، - دەدى مينيستر ايداربەك ساپاروۆ.     

ايداربەك ساپاروۆتىڭ اتاپ وتۋىنشە، مينيسترلىك سالادا اۋقىمدى تالداۋ جۇرگىزگەن. ناتيجەسىندە ورىن الىپ وتىرعان پروبلەمالار جانە ولاردىڭ پايدا بولۋ سەبەپتەرى اگروونەركاسىپتىك كەشەننىڭ قارقىندى دامۋىن تەجەپ تۇرعان ماسەلەلەردىڭ ءبىرى - وسىمدىك شارۋاشىلىعىندا ءارتاراپتاندىرۋدىڭ دۇرىس جۇرگىزىلمەۋى ەكەنىن ايتا وتىرىپ، بيدايدىڭ ەگىستىك الاڭدارى وتكەن جىل 13،7 ملن گەكتەر بولسا، بيىل 13،3 ملن گەكتار بولادى. ياعني، 429،2 مىڭ گەكتارعا قىسقارتىلعانىن تىلگە تيەك ەتتى.

- وبلىستار اكىمدىكتەرىنىڭ جەدەل دەرەكتەرى بويىنشا مايلى داقىلدار الاڭىن 385،7 مىڭ گەكتارعا ۇلعايتۋ جوسپارلانعان. بۇل جالپى ەگىس الاڭىن 3،2 ملن گەكتارعا دەيىن جەتكىزۋگە مۇمكىندىك بەرەدى. ونىڭ ىشىندە كۇنباعىس سياقتى الەۋمەتتىك ماڭىزى بار داقىل الاڭىن 60 مىڭ گەكتارعا ۇلعايتۋ جانە ولاردى 1،2 ملن گەكتارعا دەيىن جەتكىزۋ كۇتىلەدى. بۇدان باسقا، قانت قىزىلشاسى سياقتى الەۋمەتتىك ماڭىزى بار داقىل الاڭىن 12 مىڭ گەكتارعا ۇلعايتۋ كوزدەلگەن. بيىل قانت قىزىلشاسىنىڭ اۋدانى 25 مىڭ گەكتاردى قۇرايدى. سونىمەن قاتار وڭىرلەردە بەرىك ازىقتىق بازانى قۇرۋ بويىنشا جۇمىستار جۇرگىزىلۋدە، بۇل ءۇشىن اعىمداعى جىلى ازىقتىق داقىلدار الاڭىن 68،3 مىڭ گەكتارعا ۇلعايتىپ، ولاردى 3،2 ملن گا دەيىن جەتكىزۋ جوسپارلانعان»، - دەيدى مينيستر.