وسى ورايدا، استانادا زياندى قالدىقتاردى جويۋ جونىندەگى مامانداندىرىلعان ماشينادا بۇرىن تاركىلەنگەن 4 توننا ناسىباي جويىلدى. اكسيانى ەلوردا اكىمدىگى مەن جەرگىلىكتى پوليسيا دەپارتامەنتى بىرلەسىپ ۇيىمداستىردى.

18 ناۋرىزدان باستاپ ەلوردادا شەگىلمەيتىن تەمەكى ونىمدەرىن تاركىلەۋ جونىندەگى ۋاكىلەتتى ورگاندار بىرلەسىپ، ارنايى رەيدتەر جۇرگىزۋدە. ناتيجەسىندە، قۇنى 20 ملن تەڭگەدەن اساتىن 4 توننا ناسىباي تاركىلەردى.

اكسيانى استانا قالاسىنىڭ اكىمدىگى مەن ەلوردالىق پوليسيا دەپارتامەنتى جەكە سەرىكتەس – «Green economy» ەۋروپالىق-ازيالىق قاۋىمداستىعىنىڭ زتب «Kazecotech» ءجشس-نىڭ كومەگىمەن ۇيىمداستىردى.

— بۇل اكسيانىڭ نەگىزگى ميسسياسى — جاستاردىڭ مۇنداي زاتتاردى تۇتىنۋىنا توسقاۋىل قويۋ. جاقىندا ۇلتتىق قۇرىلتاي وتكەنىن ءبارىمىز بىلەمىز، ونىڭ اياسىندا مەملەكەت باسشىسى ءبىرقاتار وزەكتى ماسەلەنى، سونىڭ ىشىندە شەگىلمەيتىن تەمەكى ونىمدەرىن، ۆەيپتەردى، سينتەتيكالىق ەسىرتكىلەردىڭ قوعام دەرتىنە اينالعانىن اتاپ ءوتتى. بۇگىندە بۇل ماسەلە اسىرەسە جاستار اراسىندا وتە وزەكتى ەكەنىن ەستىپ تە، كورىپ تە ءجۇرمىز. سەبەبى بۇل ۆەيپپتەردى نەگىزىنەن 25 جاسقا دەيىنگى جاسوسپىرىمدەر مەن جاستار پايدالانادى. ءبىز ءۇشىن بۇل تۇيتكىلدىڭ ءتۇيىنىن تارقاتۋ وتە ماڭىزدى. سونداي-اق، بۇل اكسياعا تۇرعىنداردى بەي-جاي قاراماۋعا شاقىرامىز، — دەيدى استانا قالاسى ءماسليحاتىنىڭ دەپۋتاتى، «امانات» پارتياسىنىڭ «جاستار رۋحى جاستار قاناتىنىڭ ءتوراعاسى ماعزۇم ارسلانبەك تە ايتىپ بەردى.