كىسى ءولتىرۋ وقيعاسى سامال-3، 25-شاعىن اۋدانىندا، «مەركۋريي تاۋەرس» تۇرعىن ءۇي كەشەنىندە بولعان. پوليسيا كەلگەن كەزدە كۇزەتشىنى ۇرىپ-سوققان ەر ادام جاسىرىنۋعا تىرىسقان. سودان كەيىن 14-قاباتتاعى ءوز ۇيىنە كوتەرىلىپ، تەرەزەدەن سەكىرمەك بولعان.

پوليسيا قىزمەتكەرلەرى وعان بۇل ويىن ىسكە اسىرۋعا جول بەرمەي، كۇدىكتىنى ۇستاعان.

سونىڭ سالدارىنان 45 جاستاعى ەر ادام كۇزەتشىگە ومىرىنە ءقاۋىپ توندىرەتىن دەنە جاراقاتتارىن سالعان. كۇدىكتى ۇستالىپ، ۋاقىتشا ۇستاۋ يزولياتورىنا قامالدى. وقيعانىڭ باسقا دا ءمان-جايلارى انىقتالىپ جاتىر، - دەلىنگەن پوليسيا حابارلاماسىندا.

ەسكە سالساق، 28 ناۋرىز كۇنى كەشكى ۋاقىتتا كۇزەتشى قاقپانى جابا باستاعاندا، دجيپ مىنگەن ەر ادام ونى بىرنەشە رەت ادەيى قاعىپ، ارتىنان كولىكتەن ءتۇسىپ ونى جۇدىرىقتاي باستاعان.