ۇقشۇ ارمەنياداعى ءوزىنىڭ جاۋاپكەرشىلىك العان ايماعى بەكىتىلگەن مەملەكەتتىك شەكارالار اياسىنان اسپايتىنىن مالىمدەدى.
«جاۋاپكەرشىلىك ايماعى تۋرالى تۇجىرىم وتە كۇردەلى. بۇل جەردە رەسپۋبليكاداعى جاعدايعا نازار اۋدارۋ قاجەت. ويتكەنى 2010 جىلى قول قويىلعان ءوزارا ءىس-قيمىل قاعيداتتارى تۋرالى كەلىسىمگە سايكەس ۇقشۇ، جاۋاپكەرشىلىك ايماعى مۇشە مەملەكەتتەردىڭ ەگەمەندى اۋماعى بولىپ تابىلادى. اتالعان قۇجاتقا 2010 جىلى ماسكەۋدە قول قويىلعان. بۇل ۇجىمدىق قاۋىپسىزدىك جۇيەسىنىڭ كۇشتەرى مەن قۇرالدارىنىڭ مارتەبەسى تۋرالى كەلىسىم دەگەن قۇجات. ۇقشۇ «ۇقشۇ-نىڭ جاۋاپكەرشىلىك ايماعى ارمەنيا مەن ونىڭ كورشىلەرى اراسىنداعى ەكىجاقتى نەگىزدە رەتتەلەتىن مەملەكەتتىك شەكارا وتەتىن جەردە اياقتالادى”، دەلىنگەن ۇيىمنىڭ مالىمدەمەسىندە.
وسىعان دەيىن پاشينيان ەگەر ۇيىم “ۇقشۇ ارمەنيانىڭ قاي اۋماقتارى ءۇشىن جاۋاپتى» دەگەن سۇراققا جاۋاپ بەرمەسە، ەريەۆان ۇقشۇ-دان شىعاتىنىن ايتتى.
پاشينياننىڭ ايتۋىنشا، ەگەر ۇقشۇ بۇل سۇراقتارعا جاۋاپ بەرسە جانە بۇل ەريەۆاننىڭ يدەياسىنا سايكەس كەلسە، ارمەنيا مەن ۇيىم اراسىنداعى پروبلەمالار شەشىلەدى.
«ايتپەسە، ارمەنيا رەسپۋبليكاسى ۇقشۇ-دان شىعادى. ءبىراق مۇنىڭ قاشان بولاتىنىن ايتا المايمىن»، – دەپ ەسكەرتتى ول.
پىكىر قالدىرۋ