كەشە رەسەي مەملەكەتتىك دۋماسىنىڭ دەپۋتاتى اندرەي گۋرۋليەۆ تاتارستانعا شابۋىل جاساعان ۋكرايندىق دروندى ورتا ازيا دالاسىنان ۇشىرۋعا بولاتىندىعىن جوققا شىعارمادى.
"كەيبىر Telegram-كانالداردا تاتارستان رەسپۋبليكاسىنىڭ وبەكتىلەرىنە شابۋىل جاساعان ۇشقىشسىز باسقارىلاتىن قۇرىلعىلاردىڭ قازاقستان اۋماعىنان ۇشىرىلعانى تۋرالى تارالعان اقپارات شىندىققا جاناسپايدى"، - دەپ جازىلعان مينيسترلىك تاراتقان رەسمي مالىمەتتە.
ۆەدومستۆو ماماندارىنىڭ پايىمداۋىنشا، مۇنداي جالعان مالىمەت قازاقستان رەسپۋبليكاسىنىڭ بەدەلىن تۇسىرۋگە باعىتتالعان.
"وسىعان بايلانىستى ازاماتتار مەن بۇقارالىق اقپارات قۇرالدارىنا تارالعان قاۋەسەتتەرگە ءمان بەرمەۋىن جانە تەك رەسمي اقپارات كوزدەرىنە سەنۋىن سۇرايمىز"، دەپ جازىلعان مينيسترلىك مالىمەتىندە.
پىكىر قالدىرۋ