استانادا ەكس-مينيستر قۋاندىق بيشىمبايەۆتىڭ سوتى ءوتىپ جاتىر. سۋديا ايجان قۇلبايەۆا سوتقا قاتىسۋشىلاردىڭ القا بيلەرگە قويعان سۇراقتارىن وقىدى. ءقازىر القا بيلەر شەشىم شىعارۋ ءۇشىن كەڭەسۋ بولمەسىنە كەتتى.
سوت كۋلۋارىندا مارقۇم سالتانات نۇكەنوۆانىڭ اكەسى امانگەلدى نۇكەنوۆ قۋاندىق بيشىمبايەۆقا قاتىستى پىكىر ءبىلدىردى.
"كۇندە ءولىپ، كۇندە ءتىرىلىپ جاتىرمىز. بۇكىل الەم ءومىر باقي تۇرمەگە قاماۋ كەرەك دەپ جاتىر. مەن بۇل ايۋان ءومىر باقيعا سوتتالادى دەپ ۇمىتتەنەم. سوت دۇرىس شەشىم قابىلدايدى دەپ ويلايمىن. سوندىقتان ءبىز دە سىزدەر سياقتى سوتىمىزدىڭ، مەملەكەتىمىزدىڭ ادىلدىگىنە ءۇمىت ارتامىز"، – دەدى امانگەلدى نۇكەنوۆ.
ال جابىرلەنۋشى تاراپتىڭ ادۆوكاتى جاننا ورازباقوۆا ەكس-مينيسترگە 20-25 جىل ارالىعىندا باس بوستاندىعىنان ايىرۋ جازاسى بەرىلۋى مۇمكىن دەپ وتىر.
پىكىر قالدىرۋ