قازاقستان رەسپۋبليكاسى كولىك مينيسترلىگى رەيستەر گەوگرافياسىن كەڭەيتۋ جانە قولدانىستاعى باعىت بويىنشا رەيستەر سانىن ارتتىرۋ بويىنشا تۇراقتى جۇمىس جۇرگىزىپ كەلەدى.
«وسىلايشا، «Uzbekistan Airways» اۋە كومپانياسى اعىمداعى جىلدىڭ 1 ماۋسىمىنان باستاپ جاڭا الماتى-نۇكىس اۋە باعىتى بويىنشا تۇراقتى رەيستەردى ورىنداي باستايدى. رەيستەر اپتاسىنا ەكى رەت (سارسەنبى جانە سەنبى كۇندەرى) 174 ورىندىق ەيرباس-ا320 ۇشاعىندا ورىندالادى»، - دەلىنگەن حابارلامادا.
جاڭا اۋە جولىنىڭ اشىلۋى ەكى ەل اراسىنداعى ساۋدا-ەكونوميكالىق، ىسكەرلىك، تۋريزم سالاسىنداعى ىنتىماقتاستىقتى ودان ءارى دامىتۋعا ىقپال ەتەدى.
وسىلايشا، قازاقستان رەسپۋبليكاسىنان 28 ەلگە 121 باعىت بويىنشا حالىقارالىق رەيستەردىڭ جالپى سانى اپتاسىنا 567-گە جەتتى.
پىكىر قالدىرۋ