لوندون پوليسياسىنىڭ مالىمەتىنشە، 30.12.1986 جىلى تۋعان بايمولدا بەيبىتكە 7 مامىردا كىسى ءولتىردى دەگەن ايىپ تاعىلعان. ول 8 مامىردا تەمزا ماگيستراتۋرا سوتىنا كەلدى.
6 مامىر كۇنى كەشكى ساعات 21:00 شاماسىندا لوندونداعى اۋدانداردىڭ بىرىندە 42 جاستاعى ەر ادامنىڭ دەنەسى تابىلعان. وقيعا ورنىنا پوليسيا قىزمەتكەرلەرى جەتكەن. اجال قۇشقان ادامنىڭ دەنەسىندە پىشاق جاراقاتتارى بارى انىقتالعان.
"وقيعا ورنىندا كىسى ءولتىردى دەگەن كۇدىكپەن بەيبىت پەن 33 جاستاعى ايەل ۇستالدى. بەيبىتكە جوعارىدا كورسەتىلگەن ايىپ تاعىلدى. 33 جاستاعى ايەل تەرگەۋ شارالارى اياقتالعانعا دەيىن بوساتىلدى"، – دەدى لوندون پوليسياسى.
بايمولدا بەيبىت قازاقستاننان ۇلىبريتانياعا 2023 جىلدىڭ مامىر ايىندا 6 ايعا ماۋسىمدىق جۇمىس ۆيزاسىمەن بارعان.
پىكىر قالدىرۋ