2023 جىلدىڭ ءساۋىر ايىنىڭ قورىتىندىسى بويىنشا ءبىر جىلدا اۋىز سۋ 25،8 %، ال مينەرالدى سۋ 31،4% قىمباتتاعان. قازاقستان رەسپۋبليكاسى وڭىرلەرىنىڭ ىشىندە مينەرالدى سۋ باعاسىنىڭ ەڭ كوپ جىلدىق ءوسۋى جەتىسۋ وبلىسىندا (66،4%-عا)، ودان كەيىن قىزىلوردا (49،5%-عا) جانە باتىس قازاقستان (48،1%-عا) وبلىستارىندا بايقالدى.  

باعانىڭ ەڭ از ءوسۋى ۇلىتاۋ وبلىسىندا (8،3%-عا)، شىمكەنتتە (11،4%-عا) جانە تۇركىستان وبلىسىندا (18،5%-عا) بايقالدى.

ءبىر جىلدا اۋىز سۋ 25،8 پايىزعا قىمباتتادى. ەڭ كوپ باعا ءوسىمى اقمولا جانە اباي وبلىستارىندا تىركەلدى: سايكەسىنشە 43% جانە 42،6%.

اۋىز سۋ قۇنىنىڭ ايتارلىقتاي ءوسۋى قوستاناي وبلىسىندا دا بايقالدى: 31،5%-عا. باعانىڭ ەڭ از ءوسۋى تۇركىستان (10،9%-عا)، باتىس قازاقستان (15،1%) جانە پاۆلودار (15،2%-عا) وبلىستارىندا بايقالدى.

الكوگولسىز سۋسىندار ىشىندە گازسىز سۋسىندار دا قىمباتتادى: ءبىر جىلدا 34،7%. وڭىرلىك تۇرعىدا باتىس قازاقستان وبلىسىندا گازسىز سۋسىندار ءبىر جىلدا بىردەن 85،3%-عا ءوستى، ودان كەيىن اتىراۋ جانە شىعىس قازاقستان وبلىستارىندا (تيىسىنشە 51،9%-عا جانە 47،7%-عا) ءوستى.

سالاداعى ەڭ از باعا ءوسىمى جامبىل (14،5%-عا)، اقتوبە (23،6%-عا)، سونداي-اق پاۆلودار جانە ماڭعىستاۋ (ءار وڭىردە 24،6%-عا) وبلىستارىندا تىركەلدى.