استانا قالاسىنىڭ قىلمىستىق ىستەر جونىندەگى اۋدانارالىق سوتى كونتراباندالىق جولمەن  التىن بۇيىمدار مەن مەديسينالىق دارى-دارمەكتەردى الىپ كەلگەن ادامنان پارا العان كەدەن بەكەتىنىڭ قىزمەتكەرىنە ۇكىم شىعاردى. 

"پارا الۋ فاكتىسى بويىنشا ت.-عا جانە كونتراباندالىق جۇكتى اكەلگەنى جانە پارا بەرگەنى ءۇشىن  د.-عا قاتىستى ۇكىم شىقتى. ت. كەدەن بەكەتى باسشىسىنىڭ ورىنباسارى بولا وتىرىپ، ازاماتشا د.-دان كەدەندىك شەكارا "ستامبۋل-استانا" اۋە قاتىناسى ارقىلى كونتراباندالىق جولمەن دەكلاراسيالانباعان التىن بۇيىمدار مەن مەديسينالىق دارى-دارمەكتەردى الىپ كەلگەنى ءۇشىن 1 060 000 تەڭگە كولەمىندە پارا العان، ال د اتالعان اقشالاي سىياقىنى بەرگەن" - دەلىنگەن رەسمي حابارلامادا. 

سوت ۇكىمىمەن ت. مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرىلا وتىرىپ، 63 600 000 تەڭگە مولشەرىندە ايىپپۇل تولەيدى. ال د. ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلا وتىرىپ،28 196 000 تەڭگە مولشەرىندە ايىپپۇل تولەيدى.