مارقۇمداردىڭ اراسىندا ايەلدەر مەن بالالار دا بار. بۇل تۋرالى ليۆاننىڭ دەنساۋلىق ساقتاۋ مينيسترلىگى مالىمدەدى.
جۇزدەگەن وتباسى باسپاناسىن تاستاپ قاشىپ جاتىر. بوسقىندارعا ارنالعان ۋاقىتشا پانالاۋ ورىندارى اشىلعان. ال يزرايل بيلىگى تەك "حەزبوللانىڭ" قارۋ-جاراق ساقتايتىن قويمالارىن اتقىلاپ جاتقاندارىن ايتادى. ولار بەيبىت تۇرعىنداردى ءقاۋىپسىز جەرگە كوشۋگە شاقىرعان.
"حەزبوللا" جاساعى دا قاراپ قالماي، قارسى تاراپقا سوققى جاساعان. تاراپتار اراسىنداعى قاقتىعىستىڭ ۋشىعۋى الەم ەلدەرىن الاڭداتىپ وتىر. ءتىپتى، بىرىككەن ۇلتتار ۇيىمىنىڭ وكىلدەرى "ليۆان تاعى ءبىر گازاعا اينالۋى مۇمكىن" ەكەنىن ايتقان.
ەسكە سالساق، وتكەن اپتادا ليۆاندا پەيدجەرلەر جارىلىپ، 37 ادام مەرت بولعان ەدى. وسى وقيعادان كەيىن يزرايل مەن "حەزبوللا" بىر-بىرىنە قارسى شابۋىلدى ۇدەتكەن.
پىكىر قالدىرۋ