مينيسترلىكتىڭ ۇلىتاۋ وبلىسى بويىنشا تاراتقان مالىمەتىنە قاراعاندا، وڭىردەگى جانار-جاعارماي قورلارى، ماسەلەن اي-92 – 0،72 مىڭ توننا نەمەسە 10 كۇنگە جەتەدى. ال اي-95 ماركالى بەنزينەن– 0،13 مىڭ توننا قالعان بۇل شامامەن 8 كۇنگە جەتەدى دەپ ەسەپتەلگەن. ديزەل وتىنى – 3،06 مىڭ توننانى قۇرايدى نەمەسە 14 كۇنگە جەتەتىن قور.

وڭىردەگى Helios جانارماي ستانساسىنىڭ جەلىلەرىندە بەنزين شەكتەۋسىز ساتىلىپ جاتىر، تەك كەيبىر جەرلەردە تالوندار بويىنشا جىبەرىلۋدە

«ۇلىتاۋ وبلىسىنا اي-92 كولەمىندە 1400 توننا نەمەسە 24 ۆاگون جانارماي جەتكىزىلۋدە (Petroretail، س-مۇناي، بەركۋت). بۇل ءوڭىر ءۇشىن 2 اپتالىق قور. اتالعان كولەمدەگى جانارماي 1-1،5 تاۋلىك ىشىندە جەتكىزىلەدى»، - دەلىنگەن مينيسترلىك حابارلاماسىندا.

سونىمەن قاتار ايتا كەتسەك، بۇگىن ۇلىتاۋ وبلىسىنىڭ اكىمى داستان رىسپەكوۆتىڭ توراعالىعىمەن اپپارات جيىنى ءوتتى. ءوڭىر باسشىسى وبلىستاعى كەي جانار-جاعارماي بەكەتتەرىندە ۋاقىتشا ورىن العان وتىن تاپشىلىعىنا قاتىستى قىسقا مەرزىم ىشىندە ءتيىستى ماسەلەلەردى شەشۋ مىندەتىن جۇكتەدى. سونداي-اق كاسىپكەرلىك جانە ونەركاسىپ باسقارماسىنا قۇزىرلى ورگاندارمەن بىرلەسىپ، جانار-جاعارماي بويىنشا جاساندى دۇربەلەڭ تۋىنداعان جاعدايدا قولدانىستاعى زاڭناماعا سايكەس قاجەتتى شارالاردى قابىلداۋ تاپسىرىلدى.