ەسكەرتكىشتىڭ اشىلۋ ءراسىمى زامانبەك ءنۇرقادىلوۆ اتىنداعى ونەر مەكتەبىنىڭ الاڭىندا ۇيىمداستىرىلدى. ءىس-شاراعا مەملەكەت جانە قوعام قايراتكەرلەرى، اقىن-جازۋشىلار، تانىمال تۇلعالار مەن قايراتكەردىڭ وتباسى مۇشەلەرى قاتىستى. ەسكەرتكىشتىڭ اشىلۋىن وبلىس اكىمىنىڭ ورىنباسارى نۇرجان قۇدايبەرگەنوۆ، قوعام قايراتكەرلەرى توققوجا ەستەنوۆ پەن بولات نۇرعازييەۆ اشىپ، زامانبەك ءنۇرقادىلوۆتىڭ ۇلى قايرات ءنۇرقادىلوۆ ءبيۋستىڭ اشىلۋ ءراسىمىن ورىندادى.

وبلىس اكىمىنىڭ ورىنباسارى نۇرجان قۇدايبەرگەنوۆ قايراتكەردىڭ ەل دامۋىنا زور ۇلەس قوسقانىن ايتا وتىرىپ، ونىڭ ەڭبەگىنىڭ ۇلت تاريحىندا ماڭگى ساقتالاتىنىن جەتكىزدى:

- بۇل ەسكەرتكىش – حالقىمىزدىڭ قايراتكەرگە دەگەن شىنايى قۇرمەتىنىڭ بەلگىسى. ۇلت جاناشىرى رەتىندە زامانبەك ءنۇرقادىلوۆ ەل ەگەمەندىگىنىڭ نىعايۋىنا ەلەۋلى ۇلەس قوستى. وسىنداي تۇلعالاردىڭ ەڭبەگىن ۇرپاققا مۇرا ەتۋ – ءبىزدىڭ ورتاق پارىزىمىز. سونداي-اق بيىكتىگى 4،5 مەتر بولاتىن بۇل تۋىندىنىڭ اۆتورلارى ايدوس بۇركىتبايەۆ پەن تيمۋر نۇرمۇحامەتوۆكە العىسىمىزدى بىلدىرەمىز».

سالتاناتتى راسىمنەن سوڭ جيىنعا كەلگەن قوناقتارعا زامانبەك ءنۇرقادىلوۆتىڭ ءومىرى مەن قىزمەتى تۋرالى «نە تولكو و سەبە» اتتى كىتاپتىڭ 300 داناسى تاراتىلدى.