"حالىقارالىق باعدارلامالار ورتالىعى" كاليفورنيا شتاتىندا بولىپ جاتقان ورمان ورتتەرىنە بايلانىستى جاعداي مۇقيات باقىلاۋدا ەكەنىن مالىمدەدى.
"حالىقارالىق باعدارلامالار ورتالىعى" مالىمەتىنشە، قازىرگى تاڭدا كاليفورنيا شتاتىندا 73 ستيپەنديات ءبىلىم الۋدا، ونىڭ ىشىندە 56-سى "بولاشاق" باعدارلاماسىنىڭ، ال 17ء-سى عىلىمي تاعىلىمداما باعدارلاماسىنىڭ ستيپەندياتتارى. بارلىعى امان-ەسەن، كۋراتورلارمەن بايلانىستا. "ستيپەندياتتار جەرگىلىكتى بيلىك ورگاندارىنىڭ ۇسىنىستارىن ورىنداپ، جاعداي تۋرالى بىزگە جەدەل تۇردە حابارلاپ وتىرادى. ءبىز ۋنيۆەرسيتەتتەرمەن تۇراقتى بايلانىستامىز جانە كەز كەلگەن وزگەرىسكە جىلدام ارەكەت ەتۋگە دايىنبىز"، – دەپ حابارلادى "حالىقارالىق باعدارلامالار ورتالىعى" اق باسپا ءسوز قىزمەتى. ورتالىق وكىلدەرى بارلىق ستيپەندياتى قاۋىپسىزدىك شارالارىن قاتاڭ ساقتاۋعا شاقىردى. ولار توتەنشە جاعدايلاردا سان-فرانسيسكوداعى قازاقستان رەسپۋبليكاسىنىڭ كونسۋلدىعىنا حابارلاسۋلارىڭىزدى سۇرادى.
پىكىر قالدىرۋ