«ءابىل» ءفيلمىنىڭ رەجيسسەرى مەن اكتەرىنىڭ ەۋروپاداعى كينوفەستيۆالگە ءىسساپارعا بارۋى تۋرالى كوتەرىلگەن ماسەلەگە قاتىستى، «قازاقفيلم» كينوستۋدياسى ءبىزدىڭ فيلمدەرىمىزدىڭ جۇلدەلەرىنە ءارقاشان قۋاناتىنىنا، كينوجوبالاردىڭ اۆتورلارىن قۇتتىقتاۋ بويىنشا جۇيەلى جۇمىس جۇرگىزىلەتىنىنە نازار اۋدارعىمىز كەلەدى.كينوجوبالاردىڭ اۆتورلارىن قۇتتىقتاۋ بويىنشا جۇيەلى جۇمىس بار – بۇل الەۋمەتتىك جەلىلەردە مىندەتتى قۇتتىقتاۋلار.جانە كينوستۋديا ۇجىمى مىندەتتى تۇردە بىرنەشە فەستيۆالدەردىڭ قورىتىندىسى بويىنشا ءفيلمدى ايدىڭ سوڭىندا قۇتتىقتايدى.
«ءابىل» ءفيلمىنىڭ اۆتورلارىنىڭ ساپارىن قارجىلاندىرۋ ماسەلەسىنە كەلسەك، فيلمدەردى ىلگەرىلەتۋگە بولىنگەن قارجىنىڭ ازدىعىنان «قازاقفيلم» كينوستۋدياسى فيلمدەردى ىلگەرىلەتۋ ماقساتىندا جەكەمەنشىك كينوكومپانيالارمەن ىنتىماقتاستىق تاجىريبەسىن قولدانىپ جاتقانىن ناقتىلايمىز.
بۇل فيلم بويىنشا سەرىكتەسىمىز «تاناريس» ج ش س كينوكومپانياسى ءفيلمنىڭ كوممەرسيالىق ساتىلىمىنان پايدا تابۋدىڭ ماقساتىندا ءفيلمدى حالىقارالىق كينونارىقتار مەن كينوفەستيۆالدەردە ىلگەرىلەتۋ بويىنشا قارجىلىق مىندەتتەمەلەردى موينىنا العان.
وسىعان وراي، كينوستۋديا كەلىسىم شارتتارىنا سايكەس شىعارماشىلىق توپتىڭ ساپارىن قارجىلاندىرۋ ءۇشىن «تاناريس» ج ش س كينوكومپانياسىنا حابارلاسقان، الايدا بۇگىنگى كۇنگە دەيىن «تاناريس» ج ش س كينوكومپانياسىنان جاۋاپ كەلگەن جوق.
وسىعان قاراماستان «قازاقفيلم» دە ءوز مۇمكىندىگىنە قاراي بۇل ءفيلمدى بەلسەندى تۇردە قولداپ، قاجەتتى كومەك كورسەتۋدە.
كينوستۋديا باسشىلىعىمەن كەزدەسۋ تۋرالى سۇراققا كەلسەك، كينوستۋديانىڭ سىندارلى ديالوگقا ءارقاشان اشىق ەكەنىن جانە ءبىز «ءابىل» جوباسىنىڭ اۆتورلارىمەن بىرنەشە رەت كەزدەسۋلەر وتكىزگەنىمىزدى، كينوستۋديا مۇمكىندىكتەرى اياسىندا كينوگەرلەرگە ءارقاشان قولداۋ كورسەتەتىنىن حابارلايمىز.
جەردى ساتۋ نەمەسە «ءقازاقفيلمدى» قاساقانا قيراتۋ تۋرالى بولىمىندە بۇل بولجامداردىڭ بارلىعى بۇرمالانعان جانە ادەيى جالعان اقپارات بولىپ تابىلادى. سونىمەن قاتار، مۇنداي ارەكەتتەر ستۋديانىڭ دامۋ مۇددەلەرىنە قايشى كەلەدى جانە قازىرگى باسقارۋ ساياساتى اياسىندا جوسپارلانباعان.
2025 جىلدىڭ 25 اقپانىندا «ش.ايمانوۆ اتىنداعى «قازاقفيلم» ۇلتتىق كينوستۋدياسى» اق عيماراتىنىڭ الدىندا (الماتى، ءال-فارابي داڭعىلى، 176) وتكەن رۇقسات ەتىلمەگەن ميتينگىگە قاتىستى ايتاتىنىمىز: ميتينگكە جينالعاندار قازاقستانداعى انيماسيا سالاسىن ودان ءارى دامىتۋ جونىندەگى ۇسىنىستارعا نارازىلىقتارىن ءبىلدىردى. انيماسيا سالاسىنىڭ دامۋ بولاشاعىن ءتۇسىندىرۋ ماقساتىندا جيىنعا جينالعاندارعا كينوستۋديا باسشىلىعى تۇسىنىكتەمەلەر بەرىپ، كەلىسسوزدەر قورىتىندىسى بويىنشا انيماسيا سالاسىنىڭ وكىلدەرىمەن كەڭەيتىلگەن جيىن وتكىزۋ تۋرالى شەشىم قابىلداندى.
جالپى، «قازاقانيماسيا» ءشب-نىڭ استانا قالاسىنا كوشىرۋ ماسەلەسى قارالۋدا جانە كاسىبي قوعامداستىقپەن مىندەتتى تۇردە تالقىلانادى.بۇل نەگىزىنەن ءقازىر قاراستىرىلىپ جاتقان ماسەلەلەر. كينوستۋديا بۇعان دەيىن انيماسيا سالاسىنىڭ وكىلدەرى ءۇشىن العاشقى الدىن الا تىڭداۋلاردى وتكىزگەن بولاتىن، كەلەسى تىڭداۋ تاياۋ ۋاقىتتا وتەدى دەپ كۇتىلۋدە.
جوسپارلانعان كوشىرۋ سۇراعى تۋرالى انيماسيالىق قوعامداستىقتا اقپاراتتىڭ جوقتىعى ماسەلەسىنە قاتىستى ايتاتىنىمىز: اعىمداعى جىلدىڭ قاڭتار ايىنىڭ باسىندا «قازاقانيماسيا»ءشب-نىڭ بۇرىنعى باسشىسى ايبيكە راحىمجانوۆامەن كەزدەسۋ وتكىزىلگەنىنە، وندا انيماسيانى ودان ءارى دەربەس ونەركاسىپ رەتىندە دامىتۋ ءۇشىن «قازاقانيماسيا»ءشب-ىن استانا قالاسىنا كوشىرۋماسەلەسى تالقىلانعانىنا نازار اۋدارعىمىز كەلەدى.
ءبىز بارشانى قازاق كينوسى تاريحىنداعى جاڭا بەتتى باستايتىن سىندارلى ديالوگقا شاقىرامىز.
پىكىر قالدىرۋ